1 KORIN 3:5 - Bawm Common Language Bible Version

⁵ Apolo chu zei me asi? Pawl khawm chu zei me asi? Rianṭuantu nanmah tla a nan lungtir natu cho an si, chu khawm chu Lalpa nih a pêk na vevê mi hâwi vima asi.

1 KORIN 3:5 ပူးပေါင်းရင်းမြစ်များ

MATHAI 25:15

To-aw pakhat sinah talent nga a pêk le, to-aw dang sinah talent nih a pêk le, to-aw dang sinah talent khat a pêk. An ti kho tâwk chiau hen a pêk na le, chun a kal rawh.

LUK 1:2

a tîr thawk hen muhtu tla leh thu rianṭuantu tla nih kanmah hawng kan simh hâwi khan an rîn asi.

JOHAN 3:27

Johan nih a sâng le, “Minung nih zeikhawm a nei kho lo, vân ah mi pêk asi lo chun.

THILTI 18:24

Chun, Juda pakhat a min Apolo, Alekzandria khua ah a suak mi, thusim thiam tak, Ephesi khua ah chun a va kal le; anih nih chun Pathian lasui thu tla thungâi a theih.

THILTI 19:1

Chun, Pawl nih chun saklei bial a ṭawl dih ver le, Apolo Korin khua ah a um kar khan Ephesi khua chu a tleng le, ṭhiruai tla âumawh a muh na.

1 KORIN 12:28

Chun, Pathian nih zeimaw mi tla chu kawhmi le tla lakah a siah le, a pakhatnâk ah chun mifial tla, a panihnâk ah chun khuavâng tla, a pathumnâk ah chun sîntirtu tla a siah le; chu mi nûnah chun thilchê ti tla a um le, chu mi nûnah chun damtir khonâk thilpêk tla, ṭangpi khonâk thilpêk tla, lâirêl thiamnâk thilpêk tla, hawlh chi dang dang hen thusim khonâk thilpêk tla chu a um nawlh.

1 KORIN 16:12

Kan unau Apolo thu kha chu, unau tla rual ah nan sinah hawng ding hen ka ngiar chiam le, sikhawmsele tuah lam chun hawng kal a duh lo thlo, â dêngkhâwng tikah chun a hawng kal lai.

1 KORIN 3:10

Pathian nih zângfahnâk hawng ka pêk mi mang hen in sak thiam mi rian ka ṭuan le, lungphûm ka phûm, midang nih a tlûnah in an sak. Sikhawmsele, mikip a tlûnah an sak zia ding mi lakah a thiamthih chiau na seh.

1 KORIN 3:22

Pawl mawh, Apolo mawh, Kipha mawh, laikulh mawh, nungnâk mawh, thihnâk mawh, thil um chia mawh, thil hawng um ding mi mawh, a ektê hen nan tâ ver asi; nannih khawm Krist tâ nan si;

1 KORIN 3:7

Chun, a ṭhangtirtu Pathian cho lo chu a phuntu chu zeikhawm asi lo, tî hen châwmtu khawm chu zeikhawm asi bâk lo.

1 KORIN 9:17

Chu chu mah thu hen ka ti chun lâwmman ka nei asi; sikhawmsele mah thu thu hen asi lo chun Thâwngthâng Ṭha zauhkhenhnâk rian hawng ka kiltir mi ko asi lai.

2 KORIN 11:23

Krist rianṭuantu tla an si mu? Mi â hâwi hen sim ko tâ sele, kasi dauh ngengê. Ṭuan hamhnâk lakah fâk khun hen, rêngin ah tângnâk ah fâk khun hen, vuaknâk ah lei zut hen, thihnâk ah vei tam tak,

2 KORIN 3:3

Krist lasui, kanmah tla hawng kan rîntir mi, mângsi hâng hen rîn si lo mi, Pathian nung Thlarau a rîn dauh, lungtlêp ah rîn silo, taksa thinlung tlêp ah rîn mi chu nan si ti fiang tak a langhtir asi.

2 KORIN 3:6

Amah ber nih chun thutiam rianṭuantu ah hawng kan tlinhtir le, a lasui thu ko ah rianṭuantu si lo hen, a thlarau rianṭuantu ah asi dauh. A lasui thu ko nih chun a thah tâwn lo, thlarau lam nih chun a nungtir tâwn asi.

2 KORIN 4:1

Churuangah chun zângfahnâk kan tawng hâwi vima hen rianṭuannâk hi kan nei ruangah kan duai lo;

2 KORIN 4:5

Mah thu kan sim lo le, Krist Jisu chu “Lalpa asi” ti kan sim dauh tâwn, kannih khawm Jisu ruangah nan to-aw kan si ti kan sim tâwn.

2 KORIN 4:7

Sikhawmsele, thiltikhonâk fâk zia chu kanmah sinah mi silo hen Pathian tâ asi dauh khonâk ding hen chu ro chu tualbêl tla ah kan kil asi.

2 KORIN 5:18

Sikhawmsele, zeizawng Pathian sin thawk hen suak asi, anih nih chun Krist ruangah amah hen rem hen a kan siam le, remnâk rianṭuan hawng kan pêk;

2 KORIN 6:1

Chun, Pathian zângfahnâk nan tawng mi chu ṭhatvakpi lo hen nan um lonâk ding hen Pathian hen kanna ṭuan bâwmnâk ah kan ngiar chiam na asi.

2 KORIN 6:4

Pathian rianṭuantu tla hâwi hen zei lak zawng ah mi lungnâ tla hen kan um dauh tâwn.

EPHESI 3:7

A thiltikhonâk ṭuan zia hâwi hen a thawt hen pêk mi Pathian zângfahnâk chu hawng ka pêk hâwi vima hen, chu Thâwngthâng Ṭha rianṭuantu ah siam kasi.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

KOLOSA 1:25

a taksa chu kawhmi hi asi. Pathian thu kim tak a sim ding hen zauhkhenhnâk nan Pathian nih nan rangah hawng ka pêk hâwi vima hen chubang tla rianṭuantu ah siam kasi.

1 TIMOTHE 1:12

Kan rianṭuan ah hawng kan chaktirtu kan Lalpa Jisu Krist sinah lâwmthu ka sim asi. Zumhkâi hen hawng ka ruat le, amah rianṭuantu ah hawng ka ruat ruangah a sinah lâwmthu ka simh.

1 PETER 4:10

Mi kip nih thilpêk nan tawng mi chu Pathian zângfahnâk zauhkhenhtu tla hâwi hen, midang tla ṭhatnâk ding hen ti u.