1 KORIN 3:16 - Bawm Common Language Bible Version

¹⁶ Pathian in nan si ti leh Pathian Thlarau nanmah lakah a um kumza ti nan theih lo mazei?

1 KORIN 3:16 ပူးပေါင်းရင်းမြစ်များ

EZEKIEL 36:27

Ka thlarau nan lakah ka siah lai le, ka thupêk kan pêk na mi zawzawng leh ka dân nan zûl mi tla ka nan muh na lai rawh.

JOHAN 14:17

chu chu Thlarau, Pathian thutak phuangtu asi; laikulh nih anih chu an nei kho lo, amah an muh lo hen an theih lo ruangah; nannih nih anih chu nan theih, nan sinah a um kumza ruangah; chun nanmah lakah a um awt asi.

ROM 6:16

Si lo e; âu sin zawng ah an thu zâwt ding hen to-aw ah nan lût chun, thihnâk rê hen sual to-aw mawh, repnâk rê hen thu zâwt to-aw mawh, a thu zâwt hen to-aw nan si ti nan theih lo mazei?

ROM 6:3

Kan lakah Jisu ah baptis hen um mi vial tla chu a thihnâk ah baptis hen kan um ti nan theih lo ma?

ROM 8:11

Sikhawmsele, mithi lakah mi Jisu thawhnawlhtu thlarau chu nanmah lakah a um chun, mithi lakah mi Krist Jisu thawhnawlhtu nih khan nanmah lakah um mi Thlarau ruangah chun, nan taksa thi kho tla chu a nungtir lai.

ROM 8:9

Sikhawmsele, Pathian Thlarau nanmah lakah a um tatak chun taksa ah um nan si lo le, Thlarau ah um nan si dauh. Khawmsele, âukhawm Krist thlarau nei lo mi chu amah lakah mi asi lo,

1 KORIN 3:17

Âuzawng nih Pathian in chu a râwk chun chu minung chu Pathian nih a râwk lai Pathian in chu a thenhlimh ruangah; chu in chu nanmah nan si.

1 KORIN 3:9

Kannih lam chu Pathian rianṭuantu kan si; nannih Pathian lo munma chu nan si. Pathian in sak chu nan si ber.

1 KORIN 5:6

Nanna zûmnâk hi a ṭhalo. Thilnu tâwmtê nih sang tlang chu a pum hen a zunh hep tâwn ti nan theih lo masi?

1 KORIN 6:16

“Asi chun, nunau â zuar mi hen â tlâi mi chu amah hen pumkhat an si” ti nan theih lo masi? Pathian lasui thu nih, “An panih hen taksa pumkhat an hawng si lai rawh,” ti hen fiang tak hen a sim hâwi khan.

1 KORIN 6:19

Asi chun, nan taksa chu nan sungah um Pathian sinah mi nan tawng mi Thlarau Thenhlimh in asi ti nan theih lo masi? Mah tâ khawm nan si lo le, man hen châwk nan si rawh asi.

1 KORIN 6:9

Asi chun, mirep lo tla nih chun Pathian Ram an luah lai loh ti nan theih lo masi? Perpet hen um lah u; pung-le-lêng mang tla mawh, ruk sawnh tla mawh, ṭângdang pawmtâktu tla mawh, mi hur tla mawh, tawkua hur tla mawh,

1 KORIN 9:13

Zarh thil timhtuahtu tla nih chun Pathian Biakin ah mi thil an ei mi leh mâichâm ṭuantu tla nih chun mâichâm ah tingvo an nei ti nan theih lo mazei?

1 KORIN 9:24

Tekzuam tla chu an ektê hen an tek le, sikhawmsele pakhat cho nih lâwmman a tawng ti nan theih lo mazei? Nan tawng khonâk ding hen chu hâwitê hen tek u.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

1 TIMOTHE 3:15

Sikhawmsele sawt ual ka um dah ah Pathian dâwngsung tla lakah mi zei hâwi hen an um ding me si na theih khonâk ding hen rîn asi, Pathian dâwngsung tla chu Pathian nung kawhmi tla, thudik tung leh ngauhnâk an si.

2 TIMOTHE 1:14

Thil ṭha na sinah kiltir hen um mi kha kan sungah Thlarau Thenhlimh um mi hen ṭha dek hen kil.

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.