1 KORIN 3:12 - Bawm Common Language Bible Version

¹² Chun, lungphûm tlûnah chun âuzawng nih ngûn hen mawh, tangka hen mawh, lung sung hen mawh, thing hen mawh, belh hen mawh, fapawn hen mawh in sak sele, mikip rianṭuan chu a lang rawh lai.

1 KORIN 3:12 ပူးပေါင်းရင်းမြစ်များ

SAM 119:72

Laikulh ah tangka zawzawng ngâk hen na dân pêk chu ka rangah a ṭha dauh.

SAM 19:10

Ngûn ṭha chem mi ngâk hen duh an kâi dauh. Khuaizû a tak chem mi ngâk hen a thlum dauh.

EXODUS 5:12

Churawhchun, mi tla chu Aigupta ram zawzawngah fapawn hâwl ah an kal rawh.

THUFING LASUIBU 16:16

Ngûn leh tangka ngâk hen, finghnâk leh theihnâk neih chu a ṭha tuktarâi.

THUFING LASUIBU 30:6

Pathian nih a sim lo mi thu, a sim na ti chun nun a nan simh lai le, âwkrâwl thusim na si zia a langh lai,” a ti.

THUFING LASUIBU 8:10

Tangkasa ngâk hen kan sîntirnâk hi thîm rawh; ngûn a ṭha chem mi ngâk hen theihnâk hi thîm dauh rawh.

ISAI 60:17

“Dâr ruangrûl ah ngûn, thîr leh thing ruangrûl ah Tangkasa leh dâr, lung ruangrûl ah thîr ka nan put lai. Nan lâirêltu tla nih a nan nehsawh na lai lo rawh; Rep tak leh thlangam tak hen lâirêltu ding hen ka siam na lai.

JEREMIA 23:28

Khuavâng mang nei mi chu mang rarâu ko asi ti hen a sim ding asi, sikhawmsele ka thu theihtu khuavâng lam chu thuchah zumhkâi tak hen a phuang lai. Fapawn leh fâng tahkhiat hen zei mi a ṭha dauh?

THILTI 20:30

Nan lakah mi ngelchel khawm ṭhiruai le tla nih nan sinah kawptir ding hen thu dang sim hen nan hawng um lai.

ROM 16:17

Chun, unau le tla, sîntirnâk thu nanmah sîn lo leikângah ṭhennâk leh tlûknâk siamtu tla chu ṭha dek a vêng ding leh hawitâk ding hen ka nan ngiar na.

1 KORIN 3:11

Lungphûm chia lo chu lungphûm dang âukhawm nih an phûm kho lai loh, chu lungphûm chu Jisu Krist chu asi.

1 KORIN 3:13

Krist a hawng langh Ni ah chun a langtir awt ruangah; chu Ni ah chun mei ngelchel nih mikip rianṭuan chu zei hâwi me asi a nik lai rawh.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

2 KORIN 4:2

thil ningzakkâi â thup mi tla chu kan nawng dauh, ngamlêmnâk thu kan mang lo le, Pathian thu mi perpetnâk ding hen khawm kan mang lo; thutak theihtir hen Pathian mitmuh hen mikip sia leh ṭha theihnâk hen mi thinlung tawng hen um kan tum tâwn.

KOLOSA 2:8

Thiamthih u, chu lo chun âuzawng nih Krist thu hâwi silo hen, minung thurovuih leh laikulh thlarau tla lâirêlnâk hâwi dauh hen an thufing leh perpetnâk salam hen râl lâk hen an lâk na lebang lai.

1 TIMOTHE 6:3

Mi âuzawng nih sîntirnâk dang a sîntir hen, kan Lalpa Jisu Krist thudik leh Pathian sunhsak lei sîntirnâk a lung lo chun,

2 TIMOTHE 2:20

Sikhawmsele, in rokual tla lakah khêng leh bêl ngûn leh tangka hen siam mi cho a um lo le, thing leh valei hen siam tla khawm a um tâwn, zeimaw mi sung-û tir hen a um le, zeimaw mi sung-û tir lo hen a um.

2 TIMOTHE 3:13

Misual leh perpettu tla lam chu mi perpet leh mah khawm mi perpet a um hen an sual dadauh lai.

2 TIMOTHE 3:7

sîn kumza narêng hen thudik phanh lo mi an si,

2 TIMOTHE 4:3

Sîntirnâk dik an ngâi huam lo tik a hawng tlung awt ruangah; an nâ tla a zâ ruangah anmah duhkâng mi sîntirtu tla an sinah an pumh na lai le,

HEBRAI 13:9

Sîntirnâk kip leh sîntirnâk chê tak nih lam dik lakah mi kalpi hen um lah u; thinlung hi Pathian zângfahnâk hen birhtir chu a ṭha, ei ding tla lakah a pêk tuk lo hen; chu leikâng lungkhamtu tla chu chubang lakah chun ṭhatvaknak an tawng lêm lo.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

THUPHUANG 2:14

Sikhawmsele, tâwm sâwinâk ka nan nei asi, Balaam sîntirnâk thu pawmtu âu tla mawh nan umpi ruangah khan, Balaam nih chun Israel tla chu ruk sawnhnâk sa ei ding leh pung le lêngnâk ah tlûktir ding hen Balak chu a sîntir.

THUPHUANG 21:18

Chun, a kulh chu jaspar lung hen siam asi, khua chu thlalang thenhlimh hâwi, ngûn thenhlimh hen siam asi.

THUPHUANG 3:18

Minei na si khonâk ding hen ka sinah mi, ngûn thenhlimh châwk ding hen ka nan simh asi. Puanvâr na aih ding hen leh na takkaro ningzakkâi tak chu khuh ding leh na mit ah buaih ding hen mit fâk turpâng tla châwk ding ka nan simh asi, na muh khonâk ding hen.