1 KORIN 2:9 - Bawm Common Language Bible Version

⁹ Pathian lasui thu nih, “Mit nih muh dahlo, nâ nih theih dah loh, minung thinlung a lût dah loh, Pathian nih a dâwt mi rangah a timhtuah mi vial tla chu,” ti hen, a sim hâwi khan.

1 KORIN 2:9 ပူးပေါင်းရင်းမြစ်များ

SAM 31:19

Nangmah an zahtu tla rangah thil ṭha na kil mi chu a chê chiam e! Na ṭhat zia leh nangmah a nan zumhtu chu na hum na zia mikip nih an theih.

ISAI 64:4

A lakah an lungumnâk siahtu tla rangah chubang hâwi thil titu nangmah hâwi mi Pathian khawm nih an muh hen an theih lo.

ISAI 65:17

LALPA nih, “Tual thar leh vân thar ka siam. A lânah mi thil um tla chu philh hep asi lai rawh.

MATHAI 20:23

Anih nih chun an sinah, “Ka hâi din ding mi chu nan din ngelchel lai; sikhawmsele, ka vawrhlei ah leh ka kehlei ah to ding thu chu kei pêk ding asi lo le, ka Pa nih a timhtuah piak mi tla rangah asi dauh lai,” a ti.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

JEM 1:12

Niknâk lakah zumhkâi tak hen um kumzatu chu a thaw a suak! Niknak chu a tuar kho tikah chun, nungnâk lallukhuh pêk asi lai; chu chu Pathian nih amah dâwttu tla rangah pêk ding hen a tiamh na mi lâwmman chu asi.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

1 JOHAN 4:19

Pathian nih a hawng kan zângfah masa ruangah kan zângfah asi.