1 KORIN 2:8 - Bawm Common Language Bible Version

⁸ Chu finghnâk chu hi laikulh lâirêltu tla rerêng nih an theih lo; theih sele chu rokualnâk Lalpa chu an khenhbêk lai loh.

1 KORIN 2:8 ပူးပေါင်းရင်းမြစ်များ

MATHAI 11:25

Chu liau chun Jisu nih, “Aw ka Pa, tual leh vân Lalpa, nangnih mifing leh mi fâifîm tla sinah hi bang thu hi na pheh, nâusêm tla sinah na phuang ruangah hin ka nan sawr.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

LUK 23:34

Chun, Jisu nih, “Pa, annih hi ngaihdam na rawh; an thilti hi an theih lo asi,” a ti. Chun, chamchawh hen a nipuan tla chu anna ṭhen rawh.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 7:48

Lâirêltu tla leh Farisai tla lakah mi rerêng amah zumhtu an um mazei?

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

THILTI 13:27

Jerusalem ah um tla nih an hotu tla hen anih chu an theihlo ruangah anih chu mawhtir hen, chu thu chu an rangtlingtir rawh.

THILTI 7:2

Chun, Stephen nih, “Unau tla, pa tla, ngâinik u! Kan thlâktu Abraham, Haran khua ah a um lânah Mesopotamia ram ah a um liau khan rokualnâk Pathian chu a sinah a hawng a langh le,

1 KORIN 1:20

Mi fing chu kha zeiah me? Mi thiam chu kha zeiah me? Hi laikulh ah êltu chu kha zeiah me? Pathian nih laikulh finghnâk hi âtkâi asi ti a theihtir lo masi?

1 KORIN 2:6

Sikhawmsele, upa tla lakah chun thufing khawm kan sim tâwn, sikhawmsele, hi laikulh thufing hi asi lo le, hi laikulh lâirêltu tlâu ding mi thiltikhonâk khawm asi lo.

2 KORIN 3:14

Tusûn tiang khawm ah thutiam li chu an rêl chun khuhnâk lîlâ chu lîm lo hen an um ko ruangah, chu khuhnâk chu Krist ah chun tlâulir hen a um rawh.

EPHESI 4:18

theihlonâk anmah lakah um mi chu theihlonâk ruangah chun Pathian nungnâk lakah ṭhen a um hen, an theihnâk lakah chun an hawng mûi asi, an thinlung a mawlâwt ruangah.

1 TIMOTHE 1:13

A lânah simsâwitu leh nehsawhtu leh zirhtu sikhawmsele lunglo hen theihlo mi kasi ruangah khuaruatnâk ka tawng asi.

JEM 2:1

Ka unau tla, kan Lalpa Jisu Krist rokualnâk Lalpa chu lungtu nan si ruangah mi thliar bîk nei lah u.