1 KORIN 2:5 - Bawm Common Language Bible Version

⁵ ka hawlhkâ suak leh ka thusim tla chu thufing hen lêmnâk thu asi lo le, Pathian thlarau leh thiltikhonâk theihtir hen asi dauh kha.

1 KORIN 2:5 ပူးပေါင်းရင်းမြစ်များ

THILTI 16:14

Chun, a min Lidia puan senduk zuartu Thiatira khua mi, Pathian sawnhtu nunau pakhat nih kan thu a theih le, chun Pawl thusim zûl ding hen Lalpa nih chun a thinlung a fiangtir rawh.

1 KORIN 1:17

Krist nih chun baptis ding hen a hawng ka fial lo, Thâwngthâng Ṭha sim ding hen a hawng ka fial dauh asi; thufing sim lo hen, chu hâwi asi lo chun Krist kraws chu zeikhawm lo hen ka umtir lebang lai.

1 KORIN 3:6

Kei nih ka phun le, Apolo nih tî hen a châwm, sikhawmsele, Pathian nih a ṭhangtir asi.

2 KORIN 12:9

Chun, anih nih chun ka sinah, “Ka zângfahnâk na rangah â tâwk; ka thiltikhonâk hi chaklonâk ah asi rangtlingtir hen a um mi chu,” a ti rawh. Chun, Krist thiltikhonâk chu ka tlûnah a um khonâk ding hen lâwm tak hen ka chaklonâk tla hi ka putso dauh lai.

2 KORIN 4:7

Sikhawmsele, thiltikhonâk fâk zia chu kanmah sinah mi silo hen Pathian tâ asi dauh khonâk ding hen chu ro chu tualbêl tla ah kan kil asi.

2 KORIN 6:7

thutak thu ah, Pathian thiltikhonâk ah, keh leh vawrh hen repnâk riamnâm tla hen,