1 KORIN 2:12 - Bawm Common Language Bible Version

¹² Chun, a thawt hen Pathian nih thu hawng kan pêk mi tla chu kan theih khonâk ding hen, kannih lam nih chun laikulh thlarau si lo hen, Thlarau, Pathian sinah mi chu kan tawng dauh asi.

1 KORIN 2:12 ပူးပေါင်းရင်းမြစ်များ

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

1 KORIN 1:27

Sikhawmsele, Pathian nih laikulh thil â tla chu a thîm dauh le, mi fing tla chu a mualphoh khonâk ding hen.

1 KORIN 2:6

Sikhawmsele, upa tla lakah chun thufing khawm kan sim tâwn, sikhawmsele, hi laikulh thufing hi asi lo le, hi laikulh lâirêltu tlâu ding mi thiltikhonâk khawm asi lo.

1 KORIN 3:22

Pawl mawh, Apolo mawh, Kipha mawh, laikulh mawh, nungnâk mawh, thihnâk mawh, thil um chia mawh, thil hawng um ding mi mawh, a ektê hen nan tâ ver asi; nannih khawm Krist tâ nan si;

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

JEM 4:5

Asi lo leh, Thlarau kanmah lakah a um chun thîk rê hen hawng kan duh asi ti hi, Pathian lasui thu nih sim salam hen ma nan ruat?

1 JOHAN 2:20

Sikhawmsele, nannih lam chu Krist nih Thlarau Thenhlimh an tawih na ruangah, nan ektê hen thudik nan theih asi.

1 JOHAN 2:27

Nannih lam chu Jisu Krist nih a Thlarau an pêk na le, chu Thlarau nan sinah a um kar zawng chu âu sîntir khawm nan herh lo. Thlarau nih chun zeizawng an sîntir na ruangah leh a sim mi vial chu thudik asi ruangah âwkrâwl asi lo. Thlarau sîntirnâk chu zûl ule, Krist lakah um u.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 22:6

Chun, anih nih chun ka sinah, “Hi bang thu hi zumh a kâi hen a dik asi, Lalpa Pathian, khuavâng tla sinah thlarau pêktu nih chun, thil hawng tlung sawm ding mi tla chu a to-aw tla chu zauhtir ding hen a vânmifial chu a fial asi.