1 KORIN 2:10 - Bawm Common Language Bible Version

¹⁰ Kannih lam chu chubang chu Pathian nih a Thlarau hen hawng kan theihtir rawh asi. Thlarau nih chun zeizawng a zâwt ver tâwn, Pathian thu thûk khawm.

1 KORIN 2:10 ပူးပေါင်းရင်းမြစ်များ

JOB LASUIBU 12:22

Chêunâk chu mûi thahtu ding hen a hawng fial.

ISAI 48:16

“Tuah ka sinah nâi tek hen hawng le, ka thusim ngâi. A tîr thawk hen fiang tlo hen thu ka sim le, ka thu chu dik kumza hen ka tlungtir,” a ti. (Tuah LALPA zahkâi nih thiltikhonâk hawng ka pêk le, hawng ka fial.)

ISAI 59:21

Nan sinah thudântuk ka siam asi: Nan tâ si kumza ding hen ka thiltikhonâk leh sîntirnâk ka nan pêk na, tu thawk hen ka thu tla nan zâwt hen, nan fa tla leh nan thlâk tla tik a hawng um ding mi zawzawng lakah zûl kumza ding hen sîntir na u,” a ti.

DANIAL 2:22

Thil thûk leh â thup mi langhtu asi; mûi lakah thilthup tla a theih le, chêunâk nih amah chu a kulh dak.

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

MATHAI 16:17

Chun, Jisu nih a sinah, “Simon, Johan fapa, na thaw a suak; minung nih a nan theihtir mi asi lo le, ka Pa vân ah mi nih a nan theihtir mi asi dauh.

LUK 10:21

Chun, chu liau takah chun Thlarau Thenhlimh nih lâwmnâk hen a khattir le, “Ka Pa, tual leh vân Lalpa, nangnih mifing leh mi fâifîm tla sinah hi bang thu hi na thuh le, nausêm tla sinah na phuang ruangah hin ka nan sawr asi. Pa, chu hâwi ti chu nang ngaih hen a ṭha asi.

LUK 2:26

Chun, Lalpa Mesia chu a muh lânlo chu a thi lai loh ti Thlarau Thenhlimh nih a theihtir chia rawh.

JOHAN 14:26

Chun, ṭangpitu, Thlarau Thenhlimh Pa nih ka min hen a hawng fial ding mi nih khan chu nih chun zeizawng a nan sîntir na lai le, nan sinah ka sim rawh mi zawzawng an theihtir nawlh na lai.

JOHAN 16:13

Sikhawmsele, Thlarau diktak chu, a hawng tlung tikah, thutak zawzawngah an rui na lai; amah phuak sawm hen thu a sim awtlo; thu a theih mi vial chu a sim dauh lai; thil hawng tlung ding tla khawm nan sinah a phuang lai.

1 KORIN 14:30

Sikhawmsele, a kiangah to mi midang sinah theihtirnâk thu pêk hen a um chun a masa mi chu dâisip seh.

1 KORIN 2:11

Minung thil tla chu minung thinlung sungah um mi ber lo nih chun minung lakah âunih me theih lai? Chu hâwi ber hen, Pathian lei thil tla chu Pathian Thlarau ber lo nih chun âunih khawm an theih loh.

GALATIA 1:12

Minung thawk hen ka tawng mi asi lo, mi nih sîntir mi khawm kasi lo, Jisu Krist langhnâk ruangah tawng mi kasi dauh.

EPHESI 3:3

Kha hâwi hen thuthup chu theihtirnâk ah theihtir hen ka um kha, a lânah tâwi tek hen ka rîn mi hâwi thu kha;

EPHESI 3:5

Chu chu tuliau a mifial thenhlimh tla leh a khuavâng thenhlimh tla sinah Thlarau theihtir hen a um rawh hâwi khan, a lân khan minung fa tla sinah theihtir hen a um dahlo;

1 TIMOTHE 4:1

Sikhawmsele, hi nûnah chun mi zeimaw mi tla chu mi âwkrâwl tla perpetnâk ruangah veihnâk thlarau tla leh khuri tla sîntirnâk thu sunhsak hen lungnâk chu an bângtâk mi hi Thlarau nih chun fiang tak a sim.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

1 JOHAN 2:20

Sikhawmsele, nannih lam chu Krist nih Thlarau Thenhlimh an tawih na ruangah, nan ektê hen thudik nan theih asi.

1 JOHAN 2:27

Nannih lam chu Jisu Krist nih a Thlarau an pêk na le, chu Thlarau nan sinah a um kar zawng chu âu sîntir khawm nan herh lo. Thlarau nih chun zeizawng an sîntir na ruangah leh a sim mi vial chu thudik asi ruangah âwkrâwl asi lo. Thlarau sîntirnâk chu zûl ule, Krist lakah um u.

THUPHUANG 1:1

Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,

THUPHUANG 2:24

“Sikhawmsele nannih Thiatira ah mi zeimaw mi chu Setan thilthup thûk an ti mi tla leh sîntirnâk diklo thu pawm lotu tla tlûnah chun thilrit dang kan phurhtir na awtlo ti ka sim asi.