1 KORIN 16:2 - Bawm Common Language Bible Version

² Ni sarih ni masa chem ah chun mikip nih malsâwmnâk nan tawng hâwi vima hen khawng chiau ule, ka hawng kal tikah thawhlâwm khawlh rerêng a um lonâk ding hen.

1 KORIN 16:2 ပူးပေါင်းရင်းမြစ်များ

GENESIS 26:12

Isak nih chu ram ah chun thlâi a chîng le, a tuh kum ah mi a leh zâ a tawng, LALPA nih mal a sâwm ruangah.

GENESIS 30:27

Laban nih a sinah, “Zângfahtê hen thu kâ khat ka sim lai rih; Nangmah ruangah chamchawh hen LALPA nih mal hawng ka sâwm zia ka theih.

GENESIS 30:30

A lânah ka hawng liau chun tâwmtê na nei le, tu chun ka kalnâk kip ah cherkhet LALPA nih mal an sâwm, tu lam chun keimah thu thu hen um ding asi rawh,” a ti.

GENESIS 32:10

Na to-aw rangah na vêlneihnâk leh zumh na kâinâk hawng ka tawngtir ding hen ka tlâklo. Jordan va ka kanh liauah chun ṭhianṭhunh pakhat lo chu zeikhawm ka nei lo, tu chun hi bang murui nih hen ka hawng kîr nawlh rawh.

GENESIS 33:11

Na rangah ka hawng put mi lâwmman hi zângfahtê hen hawng ka lâk piak ko; Pathian ka lakah vêl a nei le, ka herh mi zawzawng a hawng ka pêk,” a ti, lâwmman chu a lâk lânlo a pêk êu.

2 CHRONICLES 31:10

Bâwlpu a lianchem mi Azariah, Zadok thlâk nih a sinah, “Mi nih Biakin ah thil an hawng pêknâk thawk hen, ei ding tla khawm kanna khah nûnah cherkhet a lei ngengê rih, hi hi LALPA nih mi zapi rangah mal a sâwm na ruangah asi,” a ti.

MARK 14:8

A ti kho tâwk a ti asi; ka taksa hi phûm ding hen a chulh kan asi hi.

LUK 16:10

Âuzawng tâwmtê lakah zumhkâi chu tam tak lakah khawm zumh a kâi tâwn, âuzawng tâwmtê lakah zumhkâilo mi chu tam tak lak khawm ah zumh a kâilo tâwn asi.

LUK 24:1

Ni sarih ni masa chem ah chun, khuadei rianruan ah, zeilo rimthâw an siam mi tla chu put hen thlân ah chun an va kal.

JOHAN 20:19

Chun, chu ni, ni sarih ni masa chem ah, zânleibâi ah, Juda tla ṭih ruangah ṭhiruai tla umnâk inkhâr tla chu an khâr nûn chun, Jisu an lakah a hawng dîr le, an sinah, “Nan tlûnah lungngamnâk um seh,” a ti.

JOHAN 20:26

Chun, ni riat nûnah, a ṭhiruai tla chu in sungah an um nawlh le, Thom khawm an sinah a um bâk. Jisu a hawng kal le, inkhâr tla chu khâr asi le, an lakah a hawng dîr rawh le, an sinah, “Nan tlûnah lungngamnâk um seh,” a ti.

THILTI 20:7

Chun, ni sarih ni masa chem ah chun sang phel ding hen kanna pûm liauah Pawl nih a thâituan ah kal a tum ruangah an sinah chiamcheriam hen thu a sim; thanṭim tiang hen thu a sim vima.

2 KORIN 8:10

Chun, chu lak chun, ka ngaihdân hâwi hen ka sim asi, chu chu nan rangah a ṭha dangâiah; kum khat asi rawh a dawmh masatu nan si le, nanna dawmh mi lâwng khawm silo hen ṭuan duhnâk khawm nanna dawmh ber rawh.

DEUTERONOMY 8:18

Nei ding hen thiltikhonâk a nan pêk natu chu LALPA nan Pathian asi ti theihkumza u. A nan thlâk natu sinah thu a tiamh mi lakah tusûn ni tiang hen zumh a kâi ruangah hi hi a ti mi asi.

THUPHUANG 1:10

Lalpa ni ah chun Thlarau hen ka hawng um le, ka dunglei ah tâwtawrâwt hâu hâwi hen hâu fâk tak hen,