1 KORIN 15:2 - Bawm Common Language Bible Version

² Chu Thâwngthâng Ṭha chu nan lawmh hen, chu lak ber chun nan dîr hen, thu ka nan simh na mi kha nan lung salam lo hen, nan tleih thlir chun chu lak tak chun ruangsuah hen nan um lai.

1 KORIN 15:2 ပူးပေါင်းရင်းမြစ်များ

THUFING LASUIBU 23:23

Thudik, finghnâk, sînnâk leh finghnâk ṭha hi na sunhsak ding mi asi. Sikhawmsele zuar ding hen chun an sung-û tuk.

THUFING LASUIBU 3:1

Ka fapa, ka nan sîntir mi chu philh lah. Ti ding ka nan simh mi chu theihkumza rawh.

THUFING LASUIBU 4:13

Na sîn mi tla chu theihkumza. Na thiamnâk chu na nungnâk asi, ṭhadektê hen vêng.

LUK 8:13

Chun, lungpher tlûnah chî a tlâ mi chu an theih kâ hen thu chu lâwm tak hen tleih mi tla an si; sikhawmsele, ram an nei lo; sâwtlotê chu an lung le, lêmnâk tawng tikah an bângtâk nawlh tâwn.

THILTI 2:47

Pathian an sawr le, mi zawzawng lawmhkâng hen an um tâwn. Chun, ruang a suah mi tla chu Lalpa nih nisiar an sinah a sap vima tâwn.

THILTI 8:13

Chun, Simon men nih a lung bâk rawh; chun baptis asi rawh chun Philip sinah a um ko le, singsiahnâk leh thilchê tak tla a ti mi a muh le, thungâi chê a ti tâwn.

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

ROM 11:22

Chun, Pathian ṭhat zia leh ṭihnung a kâi zia chu ruat nik; a tlû mi tla rangah chun ṭihnung a kâi le, nang rangah lam chun a ṭha asi, a ṭhatnâk ah na um ko chun; chu lo chun nang khawm sah hen na um lai.

1 KORIN 1:18

Kraws thu chu a tlâu liau chir mi tla rangah chun âtnâk asi; kannih ruangsuah liau mi tla rangah lam chun Pathian thiltikhonâk asi.

1 KORIN 1:21

Pathian finghnâk ah chun laikulh nih a finghnâk mang hen Pathian an theih kho lo nûnah thusim âtkâi mang hen a lungtu tla ruangsuah chu Pathian nih, “Thungâi ṭha” a ti.

1 KORIN 11:2

Chun, zeizawng ah nan hawng ka theihkumza ruangah leh thurovuih ka nan simh na hâwitê hen nan kil thlir ruangah ka nan sawr na.

1 KORIN 15:14

Chun, Krist kha thawh hen a um lo chun kan thusim hi zeikhawm lo asi ber lai.

2 KORIN 2:15

Ruangsuah liau chir mi tla leh a vei liau chir mi tla rangah chun Pathian rangah Krist rimthâw kan si.

2 KORIN 6:1

Chun, Pathian zângfahnâk nan tawng mi chu ṭhatvakpi lo hen nan um lonâk ding hen Pathian hen kanna ṭuan bâwmnâk ah kan ngiar chiam na asi.

GALATIA 3:4

Thil chu hâwi tluk chu ṭhatvakpi lo hen ma nan tuar? Ṭhatvakpi lo hawng si tatak sele ne!

EPHESI 2:8

Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

2 THESALONIKA 2:15

Chun, unau tla, dîr thlir ule, thudik tla chu sim hen mawh, kan lasuikuat hen mawh, ka nan sîntir na mi kha tleih thlir u.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

HEBRAI 10:23

A thutiam zawt ding hen Pathian kan lung ruangah kan lungum mi thu chu bir tak hen kan tleih lai.

HEBRAI 2:1

Churuangah, nâ hen kan theih mi tla kha semsêngâi tak hen kan sunhsak khun ding asi, chu lo chun kan vei sual lebang lai.

HEBRAI 3:14

A bul ah lungnâk kan nei mi kha a dawngh tiang hen tleih thlirtu kan si chun Krist tingpitu tla kan hawng si.

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

HEBRAI 4:14

Chun, vân ah kal rawh hen, bâwlpu lalchem rokual Jisu Pathian Fapa chu kan nei ruangah kan thu lung hi kan pawm thlir lai.

JEM 2:14

Ka unau tla, mi nih, “Lungnâk ka nei,” ti khawmsele, thilti a nei ṭung lo chun zei a ṭhavak lai? Chu hâwi lungnâk nih chun amah chu ruang a suah kho lai ma?

JEM 2:17

Chu hâwi lungnâk thilti nei lo mi chu a thi asi.

JEM 2:26

Thlarau tello hen taksa chu thi asi, chu hâwi ber hen thilti tello hen lungnâk khawm chu thi asi.