LALPA, kan Pathian kan rangah thil tam tak na ti, nang hâwi chu âukhawm an um lo! Kan rangah thilchê tam tak na siam, an tamtuk ruangah ka sim châwklo!
Vân lei thu theihnâk âunih a nei? Âunih a kut hen thli tleih kho? Âunih puan tliar hen tî fûn kho? Âunih ramri tla siam kho? Na theih mi asi chun, âu asi ne? A fapa chu âu me si?
“Ka Pa nih thil zeizawng hawng ka kiltir rawh. Pa lo nih chun âukhawm nih Fapa hi an theih loh. Fapa leh an sinah Fapa nih a phuang duhnâk tla cho lo nih chun âukhawm nih Pa chu an theih loh.
Tu lam chun thlalang ah ka muh rianruan asi, chu tikah lam chun mâitawnh hen asi lai rawh; tuah lam chun a kim lo hen ka theih, chu tikah lam chun Pathian nih a hawng ka theih kim hâwi hen ka theih kim lai rawh.
Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.
Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.