1 KORIN 13:8 - Bawm Common Language Bible Version

⁸ Dâwtnâk hi zeitik khawm ah a reh lai loh; sikhawmsele, thusimnâk tla hi a bâng teh lai; hawlh theih lo tla hi um khawmsele a bâng teh lai; theihnâk hi um khawmsele a bâng teh lai.

1 KORIN 13:8 ပူးပေါင်းရင်းမြစ်များ

JEREMIA 49:7

Hi hi LALPA Zeizawng tikho nih Edom thu a sim mi chu asi: “Edom mi tla nih an lâirêlnâk ṭha an thlâu rawh na maw? Simhtu nih ti ding mi chu an simh kho na lo rawh ma? An finghnâk zawzawng a vei rawh na maw?

LUK 22:32

Sikhawmsele, na lungnâk a tlâu lonâk ding hen thla ka nan cham piak asi. Na sîr nawlh tikah nangmah nih na unau tla chaktir na,” a ti.

THILTI 13:1

Chun, Antiokei khua mi kawhmi tla lakah chun khuavâng tla leh sîntirtu tla an um: Barnaba, Simeon, (Niger an ti mi), Kurini khua mi Lukia lal Herod unau ding, Manain leh Sawl tla an si.

THILTI 19:6

Chun, Pawl nih an tlûnah a kut a thâng le, Thlarau Thenhlimh chu an tlûnah a hawng tlung rawh. Chun, hawlh theih loh hen thu an sim le, Pathian thu khawm an sim rawh

THILTI 2:4

Chun, an ektê hen Thlarau Thenhlimh hen an hawng khat ver le, Thlarau nih a hawlhtir hâwi vima hen hawlh dang hen an hawng hawlh rawh.

1 KORIN 12:10

Midang sinah thilchê tikhonâk tla pêk asi; midang sinah thusim khonâk pêk asi; midang sinah Thlarau tla theih dik khonâk pêk asi; chun midang sinah hawlh chi dang dang hen thusim khonâk ha pêk asi; midang sinah hawlh simhfiang khonâk tla pêk asi.

1 KORIN 13:10

A rangtlingnâk a hawng tlung tikah chun a kim lo mi hi bângtir asi lai rawh.

1 KORIN 13:13

Chun, hi pathum, lungnâk, lungumnâk leh dâwtnâk tla hi a um kumza lai; chun hi bang tla lakah hin a rokual chem mi chu dâwtnâk hi asi.

1 KORIN 14:39

Chun, unau le tla, thusim hi duh thlo ule, hawlh theihlo thusim khawm khap lah u.

1 KORIN 8:2

Âuzawng nih thu zeimawh theih hen anna ruat chun, an theih ding hâwi hen an theih lo rih.

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

HEBRAI 8:13

Thudântuk thar ti hen a sim ruang khan, a masa mi chu a li rawh asi. Chun, a hawng li rawh mi vial chu a vei awt vima asi.