1 KORIN 13:4 - Bawm Common Language Bible Version

⁴ Dâwtnâk nih â dawnh kho, vêl a nei tâwn; dâwtnâk nih a nahsuah lo;

1 KORIN 13:4 ပူးပေါင်းရင်းမြစ်များ

GENESIS 30:1

Jakob rangah Rakel nih fa a ring piak lo. Churawhchun, a unu rangah a nahsuah le, Jakob sinah, “Fa hawng ka pêk, chu hâwi asi lo chun ka thi ving awt,” a ti.

GENESIS 37:11

Josef chu a unau tla nih thungâi an nahsuah le, a pa lam nih chun zei zia me asi aw ti hen a thinlung ah a kil ziar.

NEHEMIAH 9:17

Thu an ngâilo le; na thilti tla khawm an philh ver; anna zûmnâk ruangah Aigupta ram lîlâ ah sal tângpitu ding ah ruitu an thîm. Sikhawmsele, nang chu ngaihdamtu Pathian na si le; an lakah vêl na nei hen, na dâwt na, na thinthawk duh loh, Na khuaruatnâk a rokual le, na kaltâk na lo.

SAM 10:5

Misual chu thil zeizawng ah a dingchang. Pathian lâirêl a theihthiam kho lo; a mêlma tla a nihsanh.

THUFING LASUIBU 10:12

Huatnâk nih nawknâk a tuah le, sikhawmsele dâwtnâk nih palhnâk a huh phenh.

THUFING LASUIBU 13:10

Mi â zûm mi nih nawknâk cho lo chu zeikhawm a tuah lo. Krai khâi chu fingh dauhnâk asi.

THUFING LASUIBU 17:14

Thu êlnâk dawmh chu a masa hen tidil sah hâwi asi. Mun dangah a thang lânah bâng rawh.

THUFING LASUIBU 17:9

Zatlâng duh hen um ding na duh chun an sual liauah ngaihdam na. Thil diklo nih hâwikawmh a râwk ti theihkumza rawh.

THUFING LASUIBU 19:22

Duhlei hamkah chu ningzaknâk asi. Mi âwkrâwl thusim ngâk hen mipâm chu a ṭha dauh.

THUFING LASUIBU 31:20

Mipâm leh mi ngâkṭah sinah a hawk.

THUFING LASUIBU 31:26

Finghnâk hâu nêm tak hen thu a sim.

THUSIMTU 10:4

Na lakah na lâirêltu a thinrun chun na rianṭuan bâng ding a tum lah, dâisip hen na um chun diklonâk fâk tak khawm ngaihdam kho asi lai.

MATHAI 27:18

Nahsuahnâk ruangah anih chu an tleihtir ti a theih ruangah.

THILTI 7:9

“Chun, chi thlâktu tla nih khan Josef an nahsuah le, Aigupta ram leiah an zuar. Sikhawmsele, Pathian chu a sinah a um.

ROM 1:29

Chun, replonâk zawzawng, sualnâk zawzawng tla, hamkahnâk zawzawng tla, ṭhatlonâk zawzawng hen an khat le, nahsuahnâk tla, mi thahnâk tla, tawhnâk tla, perpetnâk tla, nunchan ṭhalonâk tla hen an khat.

ROM 13:13

Sûn ah um hâwi hen dawh tak hen kan um lai, zû din nawk leh zû rî a um lo hen, hur leh a duh a um lo hen, sual leh a nahsuah a um lo hen.

1 KORIN 3:3

taksa mi nan si kumza rih ruangah. Nan lakah nahsuahnâk leh êlnâk a um tâwn ruangah hin taksa mi si hen minung hâwi hen nan um asi lo mazei?

1 KORIN 4:18

Chun, kei nan sinah hawng kal lo rawh ding hâwi hen nan ruat ruangah zeimaw mi nanna zûm asi.

1 KORIN 4:6

Chun, unau le tla, thurîn tla chu nan lanh lonâk ding hen kanmah lakah hin nan châwng khonâk ding hen chubang tla chu nan ṭhatnâk ding hen kei leh Apolo kanna ngaih asi, nan lakah âukhawm pakhat putso hen pakhat nan zauhnawmh lonâk ding hen.

1 KORIN 5:2

Chun, chu thil titu chu nan lakah mi suah ding mi lawksawngpi ngâk hen zumhnâk ah lam nan mang.

1 KORIN 8:1

Chun, ruk tla lakah bâwlnâk thil tla thu kha chu, “kan ektê hen theihnâk kan nei chiau,” ti kanna theih. Theihnâk nih chun mi a putsotir tâwn lo, dâwtnâk lam nih chun mi a siam ṭhat tâwn.

2 KORIN 12:20

Ka hawng kal tikah zeitin mawh ka duh hâwi hen ka nan muh na lo hen, kei khawm nan duh hâwi hen nan ka muh lo sual lai ti leh zeitin mawh fâinâk tla, nahsuahnâk tla, thinrunhnâk tla, tawhnâk tla, thu khuar mang tla, sung-û tir tuknâk tla, nawknâk tla a hawng um lebang lai ti leh

2 KORIN 6:6

thenhlimhnâk ah, theihnâk ah, dawnhkhonâk ah, vêlneihnâk ah, Thlarau Thenhlimh ah, dâwtnâk ah,

GALATIA 5:26

A do tawnh hen, a nahsuah tawnh hen, kanna sung-û tir ding asi loh.

EPHESI 4:2

dawnhkhonâk nei hen, remnâk phuarnâk ah chun Thlarau ah a pumkhatnâk chu kil ding a ti hen,

EPHESI 4:32

Chun, a zângfah tawnh hen siherhnâk nei hen um ule, Pathian nih Krist ah a nan ngaihdam na hâwi ber hen a ngaihdam tawnh u.

PHILIPI 1:15

Zeimaw mi nih chun nahsuah leh elnâk ruang khawm ah Krist thu an phuang tâwn; zeimaw mi nih chun lâwm ruangah an phuang tâwn;

KOLOSA 2:18

Âukhawm mah duh thu ko a dawnhkhonâk leh vânmifial sawnhnâk mang hen nan lâwmman chu a nan suh lah na seh, an thil muh tla lakah chun um kumza hen, an taksa lei thinlung ruangah a zûm salam hen, Lû chu tleih thlir ṭung lo hen an um.

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

1 THESALONIKA 5:14

Chun, unau tla, ka nan ngiar na, dân lo hâwi a um tla chu nunsimh ule, thinlung dî tla chu fawrh ule, chaklo tla chu ṭangpi ule, mi zawzawng lakah dawnhkho tak hen um u.

1 TIMOTHE 6:4

anih chu â putso le, zeikhawm a theih lo le, theih ngâk hen êl leh thukalh leikâng ah chun a â lehlam asi, chubang thawk chun ngarhnâk, sualnâk simsiatnâk, ṭhalo leikâng ah lungnâk, êlratnâk tla a suak tâwn le;

2 TIMOTHE 2:25

do ding a tuah mi tla chu dawnhkho tak bû hen sîntir lehlam ding asi; chuvachun Pathian nih thudik chu an theih rangtlingnâk ding hen a rimtir ving hen,

2 TIMOTHE 3:10

Nang lam nih chun ka sîntirnâk tla, ka umdân tla, ka thiltum tla, ka lungnâk tla, ka dawnhkhonâk tla, ka zângfahnâk tla, ka felfênâk tla,

2 TIMOTHE 4:2

Thu sim rawh, a tik tla ah, a tik lo tla ah khawm ti vima; dawnhkho tak hen, sîntir bû hen an mawhnâk theihtir le, nunsimh leh fawrh rawh.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

JEM 4:5

Asi lo leh, Thlarau kanmah lakah a um chun thîk rê hen hawng kan duh asi ti hi, Pathian lasui thu nih sim salam hen ma nan ruat?

1 PETER 2:1

Chuvachun, sualnâk zawzawng tla, ngamlêmnâk tla, perpetnâk tla, nahsuahnâk tla, simsiatnâk tla bângtâk u:

1 PETER 3:8

A dawnghnâk ah chun nan ektê hen thinlung munkhat hen um u, a siherh tawnh u; unau tla hâwi hen a dâwt tawnh u, zângfahnâk nei tawnh ule, a nâutir tawnh u.

1 PETER 4:8

Zeizawng ngâk hen, semsengâi tak hen a dâwt tawnh ule, dâwtnâk nih sual tam tak a khuh tâwn ruangah.

2 PETER 1:7

nan Pathian sunhsaknâk lakah chun unau tla dâwtnâk telh ule, unau tla nan dâwtnak lakah chun dâwtnâk singsuan nei u;

1 JOHAN 4:11

Duhtak le tla, chu hâwi tluk hen Pathian nih hawng kan zângfah asi chun, kannih khawm kanna zângfah tawnh ding asi.