1 KORIN 12:9 - Bawm Common Language Bible Version

⁹ Chun, midang sinah chun chu Thlarau ber ah chun lungnâk pêk asi; midang sinah Thlarau ah chun damh khonâk thilpêk pêk asi.

1 KORIN 12:9 ပူးပေါင်းရင်းမြစ်များ

MATHAI 10:8

Damlo tla damh ule, mithi tla thawh ule, phâr tla thenhlimhtir ule, khuri tla nar u; a thawt hen nan tawng le, a thawt hen pêk u.

MATHAI 21:21

Chun, Jisu nih an sinah, “Thungâi tak hen ka nan simh na, lungnâk nan nei hen, nan zumhmaih lo chun, theipi lakah ti mi cho hi nan ti lai lo le, hi tlâng sinah khawm hin hawng a ṭhial le, tisumsumriat ah hawng a lawnh rawh, nan ti chun, nan ti hâwi hen a hawng um lai.

MARK 16:18

rûl tla kut hen an lâk lai le, thihnâk tûr zei tal din khawmsele zeikhawm a pawi lai lo. Damlo tla tlûnah an kut an thâng lai le, an dam vima lai,” a ti.

MARK 6:13

khuri tam tak khawm an nar le, damlo tam tak khawm sariak an thuh le, an damh.

LUK 10:9

damlo a um chun damh ule, an sinah, ‘Pathian Ram nan kiangah a tlung rawh,’ ti u.

LUK 9:2

Chun, Pathian Ram thu sim ding leh damlo tla damh ding hen a fial na rawh.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 5:15

Chun, damlo tla khawm zâwllâi ah an hawng zawnh le, ihkhun leh tangphah tla ah an ittir na le, Peter kal mi a thlapelê nih mi zeimaw zat a dulh khonâk ding hen.

1 KORIN 12:28

Chun, Pathian nih zeimaw mi tla chu kawhmi le tla lakah a siah le, a pakhatnâk ah chun mifial tla, a panihnâk ah chun khuavâng tla, a pathumnâk ah chun sîntirtu tla a siah le; chu mi nûnah chun thilchê ti tla a um le, chu mi nûnah chun damtir khonâk thilpêk tla, ṭangpi khonâk thilpêk tla, lâirêl thiamnâk thilpêk tla, hawlh chi dang dang hen thusim khonâk thilpêk tla chu a um nawlh.

1 KORIN 12:30

An ektê hen damtir khonâk thilpêk an nei ver mazei? An ektê hen hawlh theih lo hen thu an sim ver mazei? An ektê hen thu an simhfiang ver mazei?

1 KORIN 13:2

Chun, thusim khonâk nei hen, thu thup zawzawng leh theih khonâk zawzawng theih ver khawmsele, tlâng ṭhinh khawp rê hen lungnâk nei khawmsele dâwtnâk ka nei ṭung lo chun zeikhawm kasi lai loh.

2 KORIN 4:13

Sikhawmsele, “Ka lung le, churuangah thu ka sim asi,” ti rîn hâwi khan, chu lungnâk thinlung tak chu put hen kannih khawm nih kan lung bâk le, churuangah thu kan sim le,

EPHESI 2:8

Lungnâk ruangah Pathian zângfahnâk hen ruangsuah nan si; chu khawm chu nanmah lakah suak asi lo le, Pathian thilpêk asi; thilti ruangah si lo, chu lo chun mi anna khâwng lebang lai.

HEBRAI 11:33

Chubang tla nih chun lungnâk hen ram tla an lâk le, thil dik an ti le, thutiam tla anna ting, chakeibaknei kâ tla an chîp piak.