1 KORIN 12:2 - Bawm Common Language Bible Version

² Lunglo tla nan si liau khan zei ti kâng tal hen an ruai na nâk zawng ah khabang ruk hawlh kho lo tla leiah khan tlâupi hen nan um ti nan theih.

1 KORIN 12:2 ပူးပေါင်းရင်းမြစ်များ

SAM 115:5

Kâ an nei, sikhawmsele an hawlh kho lo, mit an nei le, sikhawmsele an muh kho lo.

SAM 115:7

Kut tla an nei, sikhawmsele an tleih kho lo, kê an nei le, sikhawmsele an kal kho lo; rihâu an suah kho lo.

SAM 135:16

Kâ an nei le, an hawlh kho lo, mit an nei le, sikhawmsele an muh kho lo.

ISAI 46:7

An liangah an thâng le, an put; a mun ah an siah le, chunah chun an dîrtir, A umnâk mun ah mi khawm â ṭhial kho lo. Mi nih a sinah thla an cham khawmsele, a sâng na hen siatnâk lakah mi a hum kho na lo.

JEREMIA 10:5

Chubang hâwi milem tla chu chawngmazil phâisen ah langâk tla ṭih ding hen siam mi hâwi asi; an hawlh kho lo; an kal kho lo ruangah put an ngâi. Chubang tla chu ṭih na lah u: Zei nganfâk khawm an pêk na kho ding asi lo, ṭhat khawm an ṭhattir kho na ding asi lo,” a ti.

MATHAI 15:14

Annih chu zeikhawm siar lah u; ruitu mitchâw an si. Chun, mitchâw nih mitchâw lîlâ a rui chun khursaduap ah munkhat hen an tlâ vevê lai,” a ti le, a sâng.

1 KORIN 6:11

Chun, nannih zeimaw mi chu hâwi mi nan si tâwn kha. Sikhawmsele, Lalpa Jisu Krist min leh kan Pathian Thlarau ah ṭâwl thiang nan si rawh, thenhlimh mi nan si rawh le, mawhtir lo mi nan si rawh.

GALATIA 4:8

Sikhawmsele a lânah Pathian nan theihlo liau khan, nan umdân lak khawm ah Pathian si lo mi sal nan si.

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 PETER 1:18

An thlâk natu pêk singsuan, nan umdân rawtrâilo lakah mi thil râwkkho mi, tangka leh ngûn hen tlanh nan si lo;

1 PETER 4:3

Chuvachun, lunglotu tla nih ti ding hen an duh mi chu a lânah nan ti tâwk ual rawh. Nan nungnâk tla chu, hurnâk tla, taksa duhnâk tla, uain duhnâk tla, zû mun ah lâwmnâk tla, zû din murui tla, ruk sawnhnâk nâwmtâm tla lakah nan um kha.