1 KORIN 11:4 - Bawm Common Language Bible Version

⁴ Churuangah, mipa âuzawng a lû khuh bû hen thlacham mawh thusimtu nih chun, Krist chu a mualphoh asi.

1 KORIN 11:4 ပူးပေါင်းရင်းမြစ်များ

2 SAMUEL 15:30

David chu kê karo leh ngaihsia zauhtirnâk lû khuh bû leh ṭap bû hen Oliv Tlâng chu a kâi. A zûltu tla khawm lukhuh hep leh ṭap bû hen an zûl.

2 SAMUEL 19:4

Lalchem chu a mêl a khuh le, fâk tak hen a ṭap. “Aw ka fapa! Ka fapa Absalom! ka fapa,” ti hen.

MIKAH 7:6

Chu tikah chun mi â nih ti mi hâwi hen an pa rangah an ti lai, fanu tla nih an nu tla an do lai, nungâk tla nih an ni le an tawhpi lai. Mi, a mêlma tla chu amah dâwngsungkhur ah mi asi.

THILTI 13:1

Chun, Antiokei khua mi kawhmi tla lakah chun khuavâng tla leh sîntirtu tla an um: Barnaba, Simeon, (Niger an ti mi), Kurini khua mi Lukia lal Herod unau ding, Manain leh Sawl tla an si.

1 KORIN 11:14

Mipa nih sam sâu a nei chun a rangah ningzakkâi asi ti nan suakpi mi thinlung khawm nih a nan theihtir na lo mazei?

1 KORIN 11:5

Nunau âuzawng a lû khuh lo hen thlacham mawh thusimtu nih chun a pasal a mualphoh asi; chu nunau chu a lû mêt peng mi nunau hen zeikhawm â dangnâk a um loh.

1 KORIN 12:10

Midang sinah thilchê tikhonâk tla pêk asi; midang sinah thusim khonâk pêk asi; midang sinah Thlarau tla theih dik khonâk pêk asi; chun midang sinah hawlh chi dang dang hen thusim khonâk ha pêk asi; midang sinah hawlh simhfiang khonâk tla pêk asi.

1 KORIN 12:28

Chun, Pathian nih zeimaw mi tla chu kawhmi le tla lakah a siah le, a pakhatnâk ah chun mifial tla, a panihnâk ah chun khuavâng tla, a pathumnâk ah chun sîntirtu tla a siah le; chu mi nûnah chun thilchê ti tla a um le, chu mi nûnah chun damtir khonâk thilpêk tla, ṭangpi khonâk thilpêk tla, lâirêl thiamnâk thilpêk tla, hawlh chi dang dang hen thusim khonâk thilpêk tla chu a um nawlh.

1 KORIN 13:2

Chun, thusim khonâk nei hen, thu thup zawzawng leh theih khonâk zawzawng theih ver khawmsele, tlâng ṭhinh khawp rê hen lungnâk nei khawmsele dâwtnâk ka nei ṭung lo chun zeikhawm kasi lai loh.