1 KORIN 11:3 - Bawm Common Language Bible Version

³ Sikhawmsele, mipa vial lû chu Krist asi, nunau lû chu mipa asi, Krist lû chu Pathian asi ti hi nan theih ka duh asi.

1 KORIN 11:3 ပူးပေါင်းရင်းမြစ်များ

GENESIS 3:16

Churawhchun, nunau sinah, “Na naupâwi hamhnâk leh na fa ringnâk nganfâk ka zualtir lai. Hi hâwi sikhawmsele na pasal duhnâk na nei kumza lai, anih nih na tlûnah thu a nei lai,” a ti.

ISAI 52:13

LALPA nih, “Ka to-aw chu a rianṭuannâk mun a luah lai le, zahkâi tak hen a um lai.

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

JOHAN 14:28

‘Ka kal awt le, nan sinah ka hawng nawlh lai,’ ka nan ti na mi kha nan theih rawh. Nannih nih hawng ka dâwt mi si u le chu, Pa sinah ka kal awt ruangah nanna lâwm ding asi; Pa chu keimah ngâk hen a rokual dauh ruangah.

1 KORIN 3:23

Krist khawm chu Pathian tâ asi.

EPHESI 4:15

zângfahnâk thudik sim hen zeizawng ah amah lakah kan ṭhanglian kho dauh lai; amah chu lû asi, Krist chu.

KOLOSA 1:18

Anih chu a taksa, kawhmi lû asi; zeizawng ah chungnungchem a hawng si khonâk ding hen, a bulpi, mithi lakah mi suak masa chem chu asi.

KOLOSA 2:10

Amah lakah chun nan rangtling rawh le; anih chu lalnâk leh thuneihnâk zawzawng lû asi.

KOLOSA 2:19

Amah zârah chun taksa pumpi chu pehnâk leh phuarnâk tla ruangah châwm leh tlâi dut a um hen, Pathian nih ṭhang ding a duh mi hâwi hen a ṭhanglian tâwn.

KOLOSA 3:18

Nupi le tla, Lalpa lakah a dawh tâwk hâwi vima hen nan pasal le sinah a pumpêk u.

1 PETER 3:1

Chu hâwi ber hen, nannih nupi tla, nan pasal tla thu thu hen um u. An lakah zeimaw mi Pathian thu lung lo na khawmsele, thu silo hen, nan nunchan thenhlimh leh zahkâinâk hen neh na ding a tum u.