1 KORIN 11:2 - Bawm Common Language Bible Version

² Chun, zeizawng ah nan hawng ka theihkumza ruangah leh thurovuih ka nan simh na hâwitê hen nan kil thlir ruangah ka nan sawr na.

1 KORIN 11:2 ပူးပေါင်းရင်းမြစ်များ

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

1 KORIN 11:17

Sikhawmsele, ka nan sîntir na mi lakah hin ka nan sawr na kho lo, nan ṭhat khunnâk ding silo hen, nan siat khunnâk ding lei dauh hen nanna pûm tâwn ruangah hin.

1 KORIN 11:22

Din leh einâk ding in nan nei lo masi? Asi lo chun, Pathian kawhmi tla nan zauhnawmh hen zeikhawm nei lo tla chu nan mualphoh mazei? Nan sinah zei me ka sim lai rawh ne? Ka nan sawr na awt ma? Hi leikâng hin ka nan sawr na kho lo.

1 KORIN 15:2

Chu Thâwngthâng Ṭha chu nan lawmh hen, chu lak ber chun nan dîr hen, thu ka nan simh na mi kha nan lung salam lo hen, nan tleih thlir chun chu lak tak chun ruangsuah hen nan um lai.

1 KORIN 4:17

Churuang chun Timothe, Lalpa lakah ka fa duhtak leh zumhkâi chu nan sinah ka hawng fial asi. Anih nih chun Krist ah ka umdân, ram kip ah kawhmi tla murui kip ka sîntir na tâwn mi hâwi hi a nan theihtir na lai.

1 KORIN 7:17

Zeikhawm si sele, Lalpa nih chun mikip sinah a thilpêk dân hâwi chiau leh Pathian nih mikip a kawhnâk dân hâwi chiau hen um seh. Hi hi kawhmi tla zawzawng sinah ka sîntir na mi dân chu asi.

1 THESALONIKA 1:6

Chun, thu chu hamhnâk tuar bû hen, Thlarau Thenhlimh ah lâwm hen nan pawm le, kanmah leh Lalpa châwngtu nan si.

1 THESALONIKA 3:6

Sikhawmsele, Timothe chu nan sin thawk hen tuah kan sinah a hawng tlung hen, an muh na ding kan duh hâwi hen thungâi hawng kan muh ding duh hen zângfah tak hen hawng kan theih tâwn tih thu leh, nan lungnâk leh zângfahnâk thâwngthâng lawmhkâi hawng kan put.

2 THESALONIKA 2:15

Chun, unau tla, dîr thlir ule, thudik tla chu sim hen mawh, kan lasuikuat hen mawh, ka nan sîntir na mi kha tleih thlir u.

2 THESALONIKA 3:6

Chun, unau tla, kan sinah mi thudik an tawng hâwi a um lo hen, Dân lo hâwi a um mi unau zawzawng lakah chun nanna thliar ding hen kan Lalpa Jisu Krist min hen thu kan pêk na.