1 KORIN 10:7 - Bawm Common Language Bible Version

⁷ An lakah mi zeimaw mi ruk sawnhtu an si hâwi khan ruk sawnhtu si lah u. Pathian lasui thu nih, “Zapi chu ei leh din hen an to dut le, pang ding hen an thawk nawlh,” ti hen, a sim hâwi khan.

1 KORIN 10:7 ပူးပေါင်းရင်းမြစ်များ

EXODUS 32:17

Josua nih mi zapi âu hâu a theih rawh chun Mosi sinah, “Riaknâk mun ah râltuk hâu ka theih,” a ti.

EXODUS 32:19

Mosi chu riaknâk mun ah a va tleng le, chawchal lem leh zapi minung lâm mi a muh le, thungâi a thinthawk rawh. Chu tlâng bul ah chun lungtlêp a put mi tla chu a puak le, a kuai dip.

EXODUS 32:4

Chun, nabeh tla chu a lâk le, a êr le, a bûrnâk ah a tawih le, ngûn chawchal lem a siam. Mi zapi tla nih chun, “Israel tla, hi hi kan pathian, Aigupta ram thawk hen hawng kan suakpitu chu asi,” an ti.

THILTI 15:20

ruk sawnhnâk thil nâwmtâm ei tla, pungnâk tla, sa rawm dît hen thah leh thisen ei tla bângtâk ding hen an sinah lasui kuat sele ka ti asi.

1 KORIN 10:14

Churuangah, ka duhtak le tla, ruk sawnhnâk hi tektâk u.

1 KORIN 5:11

Tu lam chun âuzawng unau min put ṭung hen pung-le-lêng mang mi mawh, mi duhlei mawh, ruk sawnh mi mawh, mi fâi mang mawh, zûrît mang mawh, lêp mang mawh hawng sele kawmh lo ding hen nan sinah ka rîn asi; chu hâwi mi sinah chun ei khawm ei lo ding hen.

1 KORIN 6:9

Asi chun, mirep lo tla nih chun Pathian Ram an luah lai loh ti nan theih lo masi? Perpet hen um lah u; pung-le-lêng mang tla mawh, ruk sawnh tla mawh, ṭângdang pawmtâktu tla mawh, mi hur tla mawh, tawkua hur tla mawh,

1 KORIN 8:7

Sikhawmsele, chu theihnâk chu mi zawzawng sinah a um lo, chun zeimaw mi nih tutiang hen ruk sawnh zawng an si ruangah ruk lakah bâwlnâk thil hâwi tak a ngaih hen an ei tâwn; chun an sia leh ṭha theihnâk chu a chak lo ruangah a nâwm tâwn.

DEUTERONOMY 9:12

“Churawhchun, LALPA nih ka sinah, ‘Hi tlângah mi hi ṭum rereh, Aigupta ram thawk hen na hawng suakpi mi tla kha thilsual an ti le, anna râwk ver rawh. Thu ka pêk na mi duh lo hen kâng dang leiah anna her ving le, an rangah milem an siam,’ a ti.

1 JOHAN 5:21

Ka fa le tla, pathian diklo tla lakah a dang hen a thlei u.