1 KORIN 10:5 - Bawm Common Language Bible Version

⁵ Sikhawmsele, an lakah mi tam dauh tlûnah chun Pathian a lungsi lo le, ramkaro ah an ruak chu a vawrh phut na.

1 KORIN 10:5 ပူးပေါင်းရင်းမြစ်များ

SAM 106:26

Churawhchun, ramkaro ah an thi ding mi leh an thlâk tla lunglo nâwngah anna rek ding mi tla ramdang ah an thi ding mi tla ningṭih phaih hen a simh na.

SAM 90:1

LALPA, nang chu kan in na si kumza.

SAM 95:11

Ka thin a thawk le, thutiam fâk tak ka siam: ‘Dinhnâk ding ka nan pêk na mi ram ah chun nan lût rêng lai lo,’ ” ti hen.

EZEKIEL 20:36

Sinai Ramkaro ah nan pa tla ka mawhtir na mi hâwi hen tuah nannih khawm kan mawhtir na awt,” LALPA Zahkâi nih a ti.

NUMBER 14:22

hi bang zapi minung lakah pakhat khawm chu ram ah lût ding hen an dam lai lo. Ka umnâk mi chêu leh Aigupta ram leh ramkaro ah thilchê ka ti mi khawm an muh, sikhawmsele hi tluk kâ dawnh mi lakah ka thu an êl hen ê-aw an ngâilo nget rih.

DEUTERONOMY 2:14

Chu chu Kades Barnea kan mâknâk thawk hen kum sâwmthum leh kum riatnâk asi. LALPA nih a sim rawh mi hâwi hen chu thlâk lakah mi râl dotu tla zawzawng chu an thi hep rawh.

HEBRAI 3:17

Chun, âu tlûnah me kum sâwmli sung a lungsilo mi kha? Mi zapi thilsual titu an ruak ramkaro ah a ril phut mi tla tlûnah khan asi lo mazei?

JUD 1:5

Hi bang tla hi a ektê hen theih ver khawm ule, Lalpa nih chun Aigupta ram thawk hen Israel tla chu ruang a suah na le, chu nehnûn ah lunglotu tla chu a veihtir na zia an theihtir nawlh na ding ka duh.