1 KORIN 10:3 - Bawm Common Language Bible Version

³ An ektê hen thlarau lei buh munkhat hen an ei chiau,

1 KORIN 10:3 ပူးပေါင်းရင်းမြစ်များ

NEHEMIAH 9:15

“An sung a vâng rawh chun vân thawk hen sang na pêk na le, an tî a hâl chun lungpi thawk hen tî na pêk na. Ram na tiamh na mi chu kilkâwi ding hen thu na simh na.

NEHEMIAH 9:20

Na ṭhatnâk ruangah na thilti ding mi tla na simh na le, manna hen na châwm na le, din ding mi tî na pêk na.

SAM 105:40

An deih le, mîmte tla a pêk na; anmah tla khimtir ding hen vân thawk hen buh a pêk na.

EXODUS 16:15

Israel tla nih an muh rawh chun zei asi an theih rerêng lo, “Zei mesi?” ti hen anmah leh anmah anna deih. Mosi nih an sinah, “Hi hi buh, LALPA nih nan ei ding hen an pêk na mi chu asi.

EXODUS 16:35

Israel tla nih chun an umnâk Kanaan an tlung lânlo chu kum sâwmli kar manna an ei.

EXODUS 16:4

LALPA nih Mosi sinah, “Tuah nan ektê rangah vân thawk hen sang ka hawng sûrtir lai. Mi zapi tla nih nisiar hen ni khat vo tâwk ding hen an va sar ding asi. Chu hâwi hen ka sîntirnâk tla hi nan zûl ma zûl lo kan nik na awt.

DEUTERONOMY 8:3

Sungvâng tak hen a nan siam na le, churawhchun manna ei ding a nan pêk na, an thlâk natu tla nih a lânah an ei dahlo mi buh chu. Hi hi mi nih sang lak cho ah a ngauh lo hen, sikhawmsele thil zeizawng LALPA nih a sim mi lakah a ngauh ding hen a nan sîntir na mi asi.