1 KORIN 1:9 - Bawm Common Language Bible Version

⁹ Pathian, a Fapa Jisu Krist kan Lalpa kawmhnâk ah a nan kawh natu kha zumh a kâi asi.

1 KORIN 1:9 ပူးပေါင်းရင်းမြစ်များ

SAM 100:5

LALPA chu a ṭha; a dâwtnâk chu zungzâl hen a um, zumh a kâinâk chu zungzâl tiang asi.

ISAI 11:5

Rep tak leh rangtling tak hen a mi tla lâi a rêl lai.

ISAI 25:1

LALPA, nang chu ka Pathian na si; ka nan zah hen na min ka sawr lai. Thilchê tla na ti le; a lân thawk hen na thiltum chu zumhkâi tak hen na ti vima.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

MATHAI 24:35

Tual leh vân a vei lai le, ka thu lam chu a vei lai lo.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

ROM 11:17

Chun a ṭeng zeimaw mi chu khiak hen a um chun nang, Phundang, oliv suak si hen, Juda lakah peh hen na um le, oliv thing ah ṭhatnâk ram va a bâwm bâk mi na si chun ṭeng dang lakah chun a zûm lah.

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

ROM 8:30

Chun, a ruatkan mi tla chu a kawh na le; chun, a kawh mi tla chu amah repnak ruangah mirep a ruat hen an um; chun, mirep ah a ruat mi tla chu a chawnglawmh na.

ROM 9:24

Chu zângfahnâk bêl tla chu Juda tla lak mi cho silo hen, Phundang tla lakah mi khawm kawh an si.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 10:13

Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.

1 KORIN 10:16

Malsâwmnâk hâi Pathian sinah lâwmthu ka sim tâwn mi hi Krist thisen bâwmpinâk asi lo mazei?

2 KORIN 1:18

Zeital si sele, Pathian chu zumh a kâi hâwi hen, nanmah leikângah kan thu hi, “Asi,” ti leh, ‘Asi lo,” ti asi ṭung lo.

GALATIA 1:15

Chun, ka nu paw sung thawk hen hawng ka thîmtu leh a zângfahnâk ruangah hawng ka kawhtu Pathian nih chun,

GALATIA 2:20

Krist sinah khenhbêk hen ka um rawh, sikhawmsele ka nung; kei lam chu kasi lo rawh, Krist chu keimah lakah a nung dauh asi; chun tuah taksa ah ka nung mi hi lungnâk ah nung ka si– Pathian Fapa, hawng ka zângfah le, ka ruangrûl ah â pêk mi lungnâk ah chun.

EPHESI 3:6

chu chu hi hi asi: Thâwngthâng Ṭha ruangah hin Krist Jisu ah Phundang tla hi Juda tla rotingtu, taksa pumkhat lakah ṭeng tla, thutiam tingpitu tla an si hi.

DEUTERONOMY 32:4

“LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

DEUTERONOMY 7:9

LALPA nan Pathian amah cho chu Pathian asi hen zumh a kâi ti theihkumza u. A thudântuk leh a dâwtnâk dawnglo chu, amah dâwttu leh a thupêk zûltu tla sinah thlâk san sâng khat tiang hen a langhtir lai le,

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

2 THESALONIKA 2:14

Chu hâwi rang ding chun anih nih chun kan Thâwngthâng Ṭha hen a nan kawh na kha, kan Lalpa Jisu Krist rokualnâk nei ding hen.

2 THESALONIKA 3:3

Sikhawmsele, Lalpa chu zumh a kâi anih nih chun an chaktir na hen misual lakah chun an hum na lai.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

2 TIMOTHE 2:13

Kannih zumhtlâklo hen um kumza khawmsele, anih chu zumhtlâk hen a um kumza asi, amah leh amah a phehtâk kho lêm lo,” ti hi.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

HEBRAI 10:23

A thutiam zawt ding hen Pathian kan lung ruangah kan lungum mi thu chu bir tak hen kan tleih lai.

HEBRAI 11:11

Lungnâk hen Sari khawm nih a tiamhtu chu zumhkâi hen a ruat ruangah a tar nûnah fa pâwi khonâk â ting.

HEBRAI 2:17

Chun, mi tla rangah thutluangvawrnâk siam ding hen Pathian lei thu tla lakah bâwlpu lalchem siherhnâk nei kho mi leh zumhkâi tak asi khonâk ding hen zeizawng ah a unau tla hâwi hen a hawng um mi chu a rangah a herh rerêng asi.

HEBRAI 3:1

Pathian kawh bîk mi, Kristian ka unau tla Bâwlpu Lalchem siding hen Pathian nih a fial mi, kan zumh mi Jisu chu zauhnik u!

HEBRAI 3:14

A bul ah lungnâk kan nei mi kha a dawngh tiang hen tleih thlirtu kan si chun Krist tingpitu tla kan hawng si.

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

1 JOHAN 1:3

Churuangah kan muh hen kan theih mi chu kan simh na bâk asi, nannih khawm nih Pa leh Fapa Jisu Krist kawmhnâk ah kanna khat khonâk ding hen.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 4:13

Amah chu kanmah lakah a um kumza mi leh kannih amah lakah kan um kumza ti, hi lak hin kan theih, a Thlarau hawng kan pêk mi lak hin.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.