1 KORIN 1:7 - Bawm Common Language Bible Version

⁷ Chuvachun, kan Lalpa Jisu Krist langhnâk ngâk hen, thilpêk rerêng ah nan samphâng lo.

1 KORIN 1:7 ပူးပေါင်းရင်းမြစ်များ

GENESIS 49:18

“LALPA, na ruangsuahnâk ka ngâk.

MATHAI 25:1

Chu tik chun Vân Ram chu nungâk thenhlimh parâ an khâwnvâr put hen mo dâwngpu dawng ding hen suak mi tla hen tahṭhimh asi rawh lai.

LUK 12:36

chun, mi nih an pu lâwinâk puai ei a hawng lâwi tikah inkhâr a hawng kik kâ hen, awng piak sawm kho ding hen an ngâk kumza hâwi hen um u.

LUK 17:30

Chu hâwi ber hen Minung Fapa hi a hawng a langh ni ah chun a um lai.

ROM 8:19

Thilsiam zawzawng tla nih chun thungâi lungum bû hen Pathian fa tla hawng langhnâk chu thungâi an mawhlah asi.

ROM 8:23

Chu cho asi lo, kannih ngelchel khawm Thlarau Pathian thilpêk nei masatu nih hin, fa kan sinâk, kan taksa tlanhnâk chu ngâk hen, kannih ngelchel khawm kan thinlung hen kan rûm bâk.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 12:13

Zei leikângah me kawhmi murui dang tla ngâk hen niam dauh siam hen nan umnâk chu? Keimah tak nih hin ka nan hamhtir na lonâk leikângah asi ṭung lo chun. Chu chaklonâk ah chun hawng ka ngaihdam u.

GALATIA 5:5

Kannih nih chun Thlarau zârah lungnâk hen repnâk lungumnâk kan ngâk ruangah.

PHILIPI 3:20

Kannih lam chu kan khawsaknâk chu vân ah asi; chu thawk ber chun Ruangsuahtu, Lalpa Jisu Krist hawng kal ding mi chu mawhlah tak hen kan ngâk kumza asi.

KOLOSA 3:4

Krist kan nungnâk chu a hawng a langh tikah chun nannih khawm amah sinah rokualnâk ah nanna langh bâk lai.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.

1 PETER 4:13

A rokualnâk langh hen a um tikah lâwmnâk rangtling hen nan um khonâk ding hen Krist tuarpitu nan si ti theih hen a lâwm dauh lehlam u.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

2 PETER 3:12

Pathian Ni a tlung ding na ngâk liauah, thenhlimh tak hen Pathian sunhsak hen um rawh, chu Ni ah chun vân meialh hen a zawrtir lai le, vân thil tla chu linhnâk hen a zawrtir lai.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

JUD 1:21

Kan Lalpa Jisu Krist nih a khuaruatnâk ruangah zungzâl nungnâk a nan pêk na mi chu ngâk hen Pathian zângfahnâk ah chun a kil u.