1 KORIN 1:5 - Bawm Common Language Bible Version

⁵ Zeizawng ah thusim kip ah leh theihnâk kip ah amah lakah chun neihtir hen nan um mi thu ah khan;

1 KORIN 1:5 ပူးပေါင်းရင်းမြစ်များ

THILTI 2:4

Chun, an ektê hen Thlarau Thenhlimh hen an hawng khat ver le, Thlarau nih a hawlhtir hâwi vima hen hawlh dang hen an hawng hawlh rawh.

ROM 11:12

Churawhchun, Juda tla sualnâk chu laikulh neihsiahnâk asi, chun an thlarau ngâkṭahnâk chu Phundang tla rangah neihsiahnâk asi. An rangtlingnâk châng chu neihsiah khunnâk si lai.

ROM 15:14

Chun ka unau le tla, nanmah tla thu chu nanmah ngelchel ṭhatnâk hen nan khat hen, finghnâk chi kip nan nei hen, nun nanna simh tawnh kho ti keimah ngelchel nih dik tak hen ka theih.

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

1 KORIN 12:10

Midang sinah thilchê tikhonâk tla pêk asi; midang sinah thusim khonâk pêk asi; midang sinah Thlarau tla theih dik khonâk pêk asi; chun midang sinah hawlh chi dang dang hen thusim khonâk ha pêk asi; midang sinah hawlh simhfiang khonâk tla pêk asi.

1 KORIN 12:8

Mi pakhat sinah Thlarau ah chun finghnâk thu pêk asi; midang sinah chu Thlarau ber nih chun theihnâk thu pêk asi.

1 KORIN 13:2

Chun, thusim khonâk nei hen, thu thup zawzawng leh theih khonâk zawzawng theih ver khawmsele, tlâng ṭhinh khawp rê hen lungnâk nei khawmsele dâwtnâk ka nei ṭung lo chun zeikhawm kasi lai loh.

1 KORIN 13:8

Dâwtnâk hi zeitik khawm ah a reh lai loh; sikhawmsele, thusimnâk tla hi a bâng teh lai; hawlh theih lo tla hi um khawmsele a bâng teh lai; theihnâk hi um khawmsele a bâng teh lai.

1 KORIN 14:26

Unau le tla, zeitin asi lai rawh ne? Nan hawng a pûm hen, sawrnâk la mawh, thu sîntirnâk mawh, theihtirnâk thu mawh, hawlh theihlo mawh, simhfiangnâk mawh nan nei chiau tâwn. Zeizawng siamṭhatnâk ding hen ti si seh.

1 KORIN 8:11

Chun, na theihnâk ruang chun mi chak lo, unau a thih ruangrûl ah Krist nih a thih piak mi chu a vei awt asi.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

2 KORIN 6:10

ngaihsia hâwi hen, sikhawmsele lâwm kumza ṭung hen, mipâm hâwi hen, sikawmsele mi tam tak neitir ṭung hen; zeikhawm nei lo hâwi hen, sikhawmsele zeizawng nei ṭung hen.

2 KORIN 8:7

Chun, zeizawng lungnâk tla, thusim thiamnâk tla, theihnâk tla, ṭhanemsemsê ngâinâk zawzawng tla, hawng kan zângfahnâk tla nan nei hâwi hen chu zângfahnâk khawm chu nan nei tam khonâk ding hen taimâk suah u.

2 KORIN 9:11

a vawrhtu sinah chî pêktu leh ei ding rangah buh pêktu nih chun nan vawrh ding mi chî chu an pêk na hen a nan pungtir piak na lai le, nanna repnâk rah tla chu a nan pungtir piak na lai.

EPHESI 2:7

Chun, tik hawng tlung ding mi lakah Krist Jisu ah kan tlûnah vêl nei hen a zângfahnâk neih fâk zia chu a zauhtir kho lai.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

EPHESI 6:19

Thâwngthâng Ṭha thuthup râlṭha tak a phuang ding hen, ka kâ ka âng hen thu simtir a ka um khonâk ding hen ka rangah khawm hawng ka deih piak u.

PHILIPI 1:9

Chun, nan zângfahnâk nih theih rangtlingnâk leh fâifîmnâk zeizawng ah a nei khunnâk ding hen thla ka cham tâwn hi; chun, Pathian rokualnâk leh sawrnâk ding ah Jisu Krist zârah repnâk rah um mi hen hawng khat hen, Krist ni rangah a tak tak leh simsâwi kawplo nan si khonâk ding hen thil ṭha khun tla chu ṭha nan ti kho lai.

KOLOSA 3:10

chu minung thar chu theih rangtlingnâk nei ding hen a siamtu bangh a siamthar hen a um liau chir asi;

JEM 3:13

Nan lakah âu me fing hen thil a theihthiam kho mi um? Dawnhkhonâk leh finghnâk hen, a thil ṭha ti hen a umdân ṭha hen zauhtir seh.

2 PETER 3:18

Sikhawmsele, kan Lalpa leh Ruangsuahtu Jisu Krist zângfahnâk leh theihnâk ah chun hawng ṭhang u. Tuah leh zungzâl tiang hen amah sinah chun rokualnâk um seh! Amen.