1 KORIN 1:2 - Bawm Common Language Bible Version

² Korin khua ah Pathian kawhmi um tla, Krist ah thenhlimhtir hen Pathian mi tla siding hen kawhmi tla sinah, ram kip ah anmah leh kanmah Lalpa Krist min lamtu zawzawng tla hen:

1 KORIN 1:2 ပူးပေါင်းရင်းမြစ်များ

GENESIS 12:8

Chu nûnah chun Bethel khuapi saklei tlâng ram ah â ṭhial le, chunah chun um mun a khuar. Thlanglei ah Bethel a um le, saklei kângah Ai khua a um. Chunah khawm chun mâichâm a siam le, LALPA a sawnh.

GENESIS 4:26

Seth nih fapa a nei le, a min ah Enos a sak. Chu thawk chun mi tla nih sawnhnâk ah LALPA min thenhlimh lam anna dawmh rawh.

SAM 45:11

Na dawhnâk nih lal thinlung a thawktir lai, amah chu na hotu asi, a thu na ngâi ding asi.

THILTI 10:36

Anih nih chun lungngamnâk Thâwngthâng Ṭha Jisu Krist kâ ah sim hen, Israel thlâk tla sinah thu a kuat le, (Jisu chu mi zawzawng Lalpa asi.)

THILTI 15:9

Chun, kannih leh annih thliar leh dang lo hen an lungnâk hen an sual a ngaihdam na.

THILTI 18:1

Chu nûnah Pawl chu Athen khua ah mi chu a suak le, Korin khua ah a kal rawh.

THILTI 22:16

Chun, zei rangah me na um ko? Thawk le, a baptis le, na sual na ṭâwl thiang ding hen a sinah thlacham rawh,’ hawng ka ti.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

THILTI 9:13

Chun, Anania nih chun, “Lalpa, chu minung chu Jerusalem ah na mi thenhlimh tla lakah a sual tam zia thu mi cherkhet kâ ah ka theih asi.

THILTI 9:14

Chun, hinah khawm na min lamtu vial phuar na ding hen bâwlpu lal tla thawk hen thu a tawng asi,” a ti le, a sâng.

THILTI 9:21

Chun, a thu theihtu zawzawng nih thungâi chê an ti, “Hi minung hi Jerusalem ah Jisu min lamtu tla nehsawh tâwntu kha asi lo mazei? Chubang mi tla chu tleih hen bâwlpu lal tla sinah ruai na ding chu a hawng kal san asi lo mazei?” an ti.

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

ROM 10:12

Juda leh Phundang tla chu zeikhawm ah anna dang lêm lo, Lalpa pakhat an ektê tlûnah Lalpa asi le, a lamtu vial tla tlûnah ṭhatnâk tam tak a nei.

ROM 3:22

chu chu Pathian repnâk, Jisu Krist lung ruangah a lungtu vial tla sinah langhtir hen a um mi chu asi; dangnâk rerêng a um lo:

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

1 KORIN 10:32

Kei nih mah ṭhatnâk hâwl hen ruangsuah an si khonâk ding hen mi tam tak ṭhatvaknâk hâwl dauh hen, mi zawzawng zeizawng ah ka lawmhtir hâwitê hen, Juda tla rang khawm, Phundang tla rang khawm, Pathian kawhmi tla rang khawm an tlûk phahnâk ding rerêng zeikhawm ti lah u.

1 KORIN 12:27

Chun, nannih tla hi Krist taksa chu nan si le, a ṭeng tla nan si chiau ber.

1 KORIN 8:6

Amah sin thawk hen zeizawng a suak le, kannih khawm amah rangah um kan si; Lalpa pakhat cho Jisu Krist chu a um, amah ruangah zeizawng a um, kannih khawm amah ruang ber ah um mi kan si.

2 KORIN 1:1

Pawl Pathian duhzia a Krist Jisu mifial leh kan unaupa Timothe nih chun: Korin khua ah Pathian kawhmi um tla sinah leh Gris ram zawzawngah mi thenhlimh um zawzawng tla sinah chun:

2 KORIN 4:5

Mah thu kan sim lo le, Krist Jisu chu “Lalpa asi” ti kan sim dauh tâwn, kannih khawm Jisu ruangah nan to-aw kan si ti kan sim tâwn.

GALATIA 1:2

ka sinah unau um zawzawng tla nih chun: Galatia ram ah kawhmi tla sinah:

EPHESI 5:26

annih chu tî a ṭâwl hen, thu nih chun a thiangtir hen a thenhlimhtir kho na nâk ding hen;

1 THESALONIKA 1:1

Pawl, Silas leh Timothe nih chun: Pa Pathian leh Lalpa Jisu Krist ah Thesalonika khua mi kawhmi tla sinah: Zângfahnâk leh remnâk nan sinah um seh.

1 THESALONIKA 4:7

Pathian nih nâwmtâm ding hen a kan kawh lo le, thenhlimh ding hen hawng kan kawh dauh asi.

2 THESALONIKA 1:1

Pawl leh Silas leh Timothe nih chun, Pathian kan Pa leh Lalpa Jisu Krist ah Thesalonika khua mi kawhmi tla sinah:

1 TIMOTHE 2:8

Chun, mipa tla nih munkip ah kut thenhlimh phar hen thinrun lo leh a êl lo hen thlacham ule ka duh asi;

1 TIMOTHE 3:15

Sikhawmsele sawt ual ka um dah ah Pathian dâwngsung tla lakah mi zei hâwi hen an um ding me si na theih khonâk ding hen rîn asi, Pathian dâwngsung tla chu Pathian nung kawhmi tla, thudik tung leh ngauhnâk an si.

2 TIMOTHE 1:9

Anih nih chun kan thilti tla hâwi silo hen, amah ruat leh zângfahnâk hâwi dauh hen ruang hawng kan suah le, kawhnâk thenhlimh hen hawng kan kawh le; chu zângfahnâk chu tual tuah lânah Jisu Krist lakah hawng kan pêk rawh.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

2 TIMOTHE 2:22

Sikhawmsele, seino duhnâk tla chu tektâk le, thinlung thenhlimh hen Lalpa lamtu vial tla lakah repnâk tla, lungnâk tla, dâwtnâk tla, remnâk tla fûk rawh.

HEBRAI 10:10

Pathian nih ti ding hen a duh mi hâwite hen Jisu Krist nih a ti ruangah amah taksa lakah mi zawzawng rangah veikhat â pêknâk nih chun sual lakah mi hawng kan thenhlimhtir asi.

HEBRAI 13:12

Chun, Jisu khawm nih amah thisen tak hen sual lakah mi zapi thenhimhtir na ding hen kulh lênglei ah a tuar rawh.

HEBRAI 2:11

Thenhlimhtirtu leh thenhlimhtir mi tla chu an ektê hen Pa Pakhat ah suak an si ruangah Jisu nih chun annih tla chu unau tla ti a ningzak loh.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.