1 KORIN 1:12 - Bawm Common Language Bible Version

¹² Hi hi asi ka ti mi chu: mikip nih, “Kei Pawl murui kasi,” “Kei lam chu Apolo murui kasi," “Kei lam chu Peter murui kasi” Kei lam chu Krist murui kasi,” nan ti chiau hi.

1 KORIN 1:12 ပူးပေါင်းရင်းမြစ်များ

1 Lal 16:21

Israel tla lakah ṭhennâk a hawng um le, mi zeimaw mi nih Ginath fapa Tibni chu lal ah an duh, a dang nih Omri an duh.

MATHAI 23:8

Nannih lam chu ‘Sîntirtu,’ ti ding hen um lah u, an sîntir natu chu pakhat asi le, nannih vial chu unau nan si.

JOHAN 1:42

churawhchun Simon chu Jisu sinah a hawngpi. Jisu nih anih chu a zauh le, “Johan fapa Simon na si, Kipha an sak lai,” a ti le, (chu chu Peter tinâk asi, Peter chu lungpi tinâk asi.)

THILTI 18:24

Chun, Juda pakhat a min Apolo, Alekzandria khua ah a suak mi, thusim thiam tak, Ephesi khua ah chun a va kal le; anih nih chun Pathian lasui thu tla thungâi a theih.

THILTI 19:1

Chun, Pawl nih chun saklei bial a ṭawl dih ver le, Apolo Korin khua ah a um kar khan Ephesi khua chu a tleng le, ṭhiruai tla âumawh a muh na.

1 KORIN 1:11

Ka unau le tla, nan thu chu nan lakah êlnâk tla a um ti hen Kloi dâwngsung tla nih an ka simh asi.

1 KORIN 15:5

Chu nûnah chun ṭhiruai leinih tla sinah a hawng a langh nawlh le,

1 KORIN 15:50

Unau le tla, taksa leh thisen nih hin Pathian Ram chu a luah kho lai loh; thû kho nih hin thû kho lo chu a luah kho lai loh ti ka sim asi.

1 KORIN 16:12

Kan unau Apolo thu kha chu, unau tla rual ah nan sinah hawng ding hen ka ngiar chiam le, sikhawmsele tuah lam chun hawng kal a duh lo thlo, â dêngkhâwng tikah chun a hawng kal lai.

1 KORIN 4:6

Chun, unau le tla, thurîn tla chu nan lanh lonâk ding hen kanmah lakah hin nan châwng khonâk ding hen chubang tla chu nan ṭhatnâk ding hen kei leh Apolo kanna ngaih asi, nan lakah âukhawm pakhat putso hen pakhat nan zauhnawmh lonâk ding hen.

1 KORIN 7:29

Sikhawmsele, unau le tla, hi hi ka ti asi: tu thawk chun nupi nei tla chu nei lo hâwi hen an umnâk ding hen leh

1 KORIN 9:5

Mifial dang tla leh Lalpa unau tla leh Peter hâwi hen khan Kristian nunau nupi rui ding hen thu kan nei lo mazei?

2 KORIN 10:7

Nan mitmuh ah thil um tla chu asi nan zauh tâwn, âuzawng nih Krist tâ si hen â ruat chun hi hi mah lakah a ruat nawlh seh, amah chu Krist tâ asi hâwi ber hen kannih khawm kan si bâk mi hi.

2 KORIN 9:6

Sikhawmsele, chu leikângah vawrh tâwm mi nih chun a ât tâwm lai, a vawrh tam mi nih chun a ât tam lai.

GALATIA 2:9

zângfahnâk hawng ka pêk mi chu an theih khawm ah Jem, Peter leh Johan tla hotu ah an ruat mi tla nih chun kannih Phundang tla sinah kal ding leh annih fêmtan tla sinah kal ding hen kei leh Barnaba chu a kawmhnâk kut vawrhlei hawng kan pêk.

GALATIA 3:17

Chun, hi hâwi hen ka ti asi: Thutiam Pathian birhtir rawh mi chu Dân kum zali leh kum sâwmthum nûnah um rawh mi nih khan thutiam chu zeikhawm lo hen a veih loh.