1 JOHAN 5:6 - Bawm Common Language Bible Version

⁶ Jisu Krist chu â baptisnâk tî leh a thihnâk thisen hen a hawng kal asi, tî cho hen a hawng mi silo le, tî leh thisen hen asi dauh. Thlarau chu thutak asi ruangah chun, Thlarau nih chun thudik asi ti a theihtir asi.

1 JOHAN 5:6 ပူးပေါင်းရင်းမြစ်များ

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

LEVITICUS 17:11

Thilnung zawzawng nungnâk chu thî lakah a um. Churuangah asi, LALPA nih zapi tla sual thiangnâk ding thî zawzawng chu mâichâm tlûnah tawih ding a ti mi chu. Thî chu nungnâk asi, sual thiangnâk khawm asi.

ZEKARIA 9:11

LALPA nih, “Bâwlnâk thisen hen nan sinah thudân ka tuk ruangah, nan mi tla chu ti umlonâk ah khua sungah sal an tâng mi chu ka suah na lai.

MATHAI 26:28

hi hi ka thisen, sual tla ngaihdamnâk ding ah mi tam tak rangah suak ding mi thutiamnâk chu asi.

MATHAI 3:16

Chun, Jisu baptis asi ka hen ti a mi a suak sawm le, chun, ngâinik, a rangah vân â awng le, Pathian Thlarau chu vaṭhu hâwi hen a hawng ṭum hen, a tlûnah a fû mi a muh.

MARK 14:24

Chun, anih nih chun an sinah, “Hi hi ka thisen, mi tam tak rangah suak ding mi thudântuk chu asi.

LUK 22:20

Chun, zânriah ei thluh ah chu hâwi ber hen hâi chu a lâk le, “Hi hâi hi ka thisen, thudântuk thar chu asi, nan ruangrûl ah suak ding chu asi.

JOHAN 14:17

chu chu Thlarau, Pathian thutak phuangtu asi; laikulh nih anih chu an nei kho lo, amah an muh lo hen an theih lo ruangah; nannih nih anih chu nan theih, nan sinah a um kumza ruangah; chun nanmah lakah a um awt asi.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 15:26

“Chun, Pa sinah mi ṭangpitu nan sinah ka fial ding mi, Pa lakah suak Thlarau Pathian thutak phuangtu chu, a hawng tlung tikah, anih nih chun ka thu a theihtir lai.

JOHAN 16:13

Sikhawmsele, Thlarau diktak chu, a hawng tlung tikah, thutak zawzawngah an rui na lai; amah phuak sawm hen thu a sim awtlo; thu a theih mi vial chu a sim dauh lai; thil hawng tlung ding tla khawm nan sinah a phuang lai.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

JOHAN 4:10

Chun Jisu nih a sâng le, a sinah, “Pathian thilpêk le, Din ding hawng ka pêk,’ na sinah titu hi theih le chu, nangnih a sinah na deih dauh ding asi, chun, anih nih tî nung a nan pêk rawh ding asi,” a ti.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 6:55

Ka taksa hi buh tak asi, ka thisen hi din ding tak asi.

THILTI 8:36

Chun, lampi ah an kal liauah tî umnâk ah an tleng le; chun tilkhei nih chun, “Zauhnik, hinah tî a um, baptis ding hen zei nih me hawng ka kham chem?” a ti.

ROM 3:25

Pathian dawnhkhonâk ah tuan liauah sual tla ngaihdam hen a um ruang khan, Pathian nih amah rep zia zauhtirnâk ding hen Krist Jisu chu a thisen ah, lung ruangah sual thutluang vawrnâk ah a ruat.

EPHESI 1:7

A thisen hen amah lakah tlanhnâk kan nei asi, a zângfahnâk chawng zia hâwi vima hen kan buarnâk tla ngaihdamnâk chu.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

TITA 3:5

thil rep tak hen ti mi, kanmah ngelchel nih ti mi tla chu, chu ruang silo hen, siamtharnâk ṭâwlnâk leh Thlarau Thenhlimh siamthar nawlhnâk nih chun a zângfahnâk hâwi vima hen ruang hawng kan suah rawh.

HEBRAI 10:29

Pathian Fapa zei siarlo hen, thudântuk thisen amah thenhlimhtirnâk chu thil salam a ruat hen zângfahnâk thlarau vûirâmtirtu tla chu zei hâwi tluk rêpnâk fâk dauh tuar tlâk siding hen me nan ruat?

HEBRAI 12:24

Jisu, thudântuk thar siamtu, Abel thisen ngâk hen thisen ṭha dauh thehtu sinah nan hawng tleng rawh.

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

HEBRAI 9:7

puanzâr panihnâk ah lam chun bâwlpu lalchem cho kum siar hen veikhat, thisen put hen a lût tâwn, chu chu mah rangah leh misual dang tla rangah a ap tâwn.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.

THUPHUANG 7:14

Chun, kei nih chun a sinah, “Pu, nangmah nih na theih dauh ko khateh,” ka ti. Chun, anih nih chun ka sinah, “Hi bang tla hi nehsawhnâk fâk tak thawk hen him tak hen an hawng suak mi tla an si, an puan tla chu Dawrâ Fa thisen ah suk hen an vârtir asi,