1 JOHAN 5:19 - Bawm Common Language Bible Version

¹⁹ Chun Pathian lakah mi kan si ti leh, laikulh pumpi hi Misual thu thu hen a um ti kan theih.

1 JOHAN 5:19 ပူးပေါင်းရင်းမြစ်များ

LUK 4:6

Chun, Diabol nih chun a sinah, “Hi bang zawzawng tlûnah thuneihnâk leh rokualnâk hi ka nan pêk lai; ka sinah pêk asi rawh dangâiah, ka duh mi sinah zawng ka pêk tâwn asi.

JOHAN 12:31

Tuah hi laikulh hi lâirêl asi; tuah hi laikulh lal hi lawnh asi lai.

JOHAN 14:30

Nan sinah thu tam ka sim awtlo rawh, laikulh lal a hawng kal awt ruangah. Anih chu keimah lakah zeikhawm thu a nei lo.

JOHAN 16:11

lâirêl thu ah an mawh ti a theihtir lai, hi laikulh lal hi mawh hen a tlû rawh ruangah.

JOHAN 17:15

Nangnih annih chu laikulh ah mi lâk ding hen ngiar kasi lo le, Misual pa lakah na hum ding ka ti dauh asi.

ROM 8:16

Thlarau ngelchel nih chun kanmah thlarau hen Pathian fa tla kan si ti hawng kan theihtir tâwn.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

2 KORIN 5:1

Kan umnâk in- hi tual ah mi kan taksa hi siat khawmsele, vân ah, in kut hen sak lo mi, zungzâl um ding mi, Pathian sinah mi in bir chu kan nei ti kan theih.

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

2 TIMOTHE 1:12

Churuang chem asi, hi bang thil khawm hi ka tuar mi chu; sikhawmsele ka ningzak lo; ka lung mi Pathian chu ka theih, a sinah ka kiltir mi chu, chu Ni rang ding ah chun ṭha dek hen a kil kho ti dik tak hen ka theih ber.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

JEM 4:4

Nannih mi zumhkâilo tla, laikulh hâwikawmh sinâk hi Pathian mêlma asi ti nan theih lo ma? Âuzawng laikulh hâwikawmh si a duh mi vial chu Pathian mêlma ah â siam tâwn asi.

1 JOHAN 3:14

Kan unau tla kan zângfah ruangah thihnâk ah mi kan suak le, nungnâk ah kan lût rawh ti kan theih. Âuzawng chu hâwi ti lotu chu thihnâk ah a um kumza asi.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.

1 JOHAN 5:10

Âuzawng Pathian Fapa lungtu nih chun a thinlung ah theihpitu a nei asi, Pathian lunglotu lam nih chun amah chu âwkrâwl ah â siam le, Pathian nih a Fapa thâwngthâng a theihtir mi chu a lung lo ruangah.

1 JOHAN 5:13

Zungzâl nungnâk nan nei ti nan theih khonâk ding hen, nannih Pathian Fapa min lungtu tla sinah hi bang thu hi ka rîn asi.

1 JOHAN 5:15

Zeizawng kan deih mi chu a hawng kan ngâi piak ti kan theih chun, a sinah kan thil deih chu kan tawng rawh ti kan theih asi.

1 JOHAN 5:18

Âuzawng Pathian fa nih chun thilsual a ti lo ti kan theih, Pathian Fapa nih chun a vêng kumza le, Misual nih a râwk kho lo asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 20:3

Vânmifial nih chun khurtawdawnglo ah a khumh le, a khar pang le, kum sâng a tling lânlo chu phun kip a perpet lo rawh nâk ding hen a sengh tap le, chu nûn chun sâwtlotê suah nawlh rih ding asi.