1 JOHAN 5:10 - Bawm Common Language Bible Version

¹⁰ Âuzawng Pathian Fapa lungtu nih chun a thinlung ah theihpitu a nei asi, Pathian lunglotu lam nih chun amah chu âwkrâwl ah â siam le, Pathian nih a Fapa thâwngthâng a theihtir mi chu a lung lo ruangah.

1 JOHAN 5:10 ပူးပေါင်းရင်းမြစ်များ

JOB LASUIBU 24:25

Chu hâwi asi mi lakah, silo ti khotu âu a um? Ka thu hi a diklo ti âunih sim kho?

SAM 25:14

LALPA chu amah thu ngâitu rangah chun an hâwikawmh asi le, an sinah a dân thu chu a birhtir.

THUFING LASUIBU 3:32

LALPA nih thilsual titu chu a hua le, sikhawmsele mirep tla lam chu a mi zumh an si.

ISAI 53:1

Zapi tla nih an sâng le, “Tuah kan thusim hi âunih a lung lai? Hi lakah hin âunih LALPA kut muh khotu um?

JEREMIA 15:18

Zei rangah ka tuar kumza nget rih? Zei rangah ka mâ a dam dahlo? Zei rangah an damtir dahlo? Ṭhalpini ah tiva a kang mi hâwi hen lungdawngtir ding ma na ka awt?” a ti.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

JOHAN 3:18

Âuzawng amah zumhtu chu mawh hen an um lo; âuzawng zumhlotu chu mawh chia hen an um, Pathian Fapa neihlem min an zumh lo ruangah.

JOHAN 3:33

A thu theihtirnâk pawm mi nih ‘Pathian chu a dik asi,’ ti a singsiah.

JOHAN 5:38

A thu khawm nan thinlung ah nan kil kumza lo, a fial mi hi nan lung lo ruangah.

THILTI 8:37

Chun, Philip nih chun a sinah, “Na thinlung zawzawng hen na lung chun na baptis kho lai,” a ti. Chun, anih nih chun tihin a sâng le, “Jisu Krist chu Pathian Fapa asi ti ka lung,” a ti.

ROM 8:16

Thlarau ngelchel nih chun kanmah thlarau hen Pathian fa tla kan si ti hawng kan theihtir tâwn.

GALATIA 4:1

Sikhawmsele, hi hâwi hen ka ti asi: Rotingtu ding chu zeizawng tlûnah hotu sikhawmsele ngâksia asi kar chun to-aw hen zeikhawm â dang lo;

GALATIA 4:6

Chun, fa nan si ruangah Pathian nih a Fapa Thlarau chu “Abba, ka Pa” ti a auh hen, kan thinlung ah a hawng fial.

KOLOSA 3:3

Nan thi rawh le, nan nungnâk chu Pathian lakah Krist sinah thuh hen a um rawh ruangah.

HEBRAI 3:12

Unau tla, a thiamthih u, chu lo chun Pathian nung chu bângtâk ding hen nan lakah âu sungah mawh lunglonâk thinlung sual a hawng um lebang lai.

2 PETER 1:19

Chun, khuavâng thusim, bir tak kan nei le, khua a hawng dei le, deirêl ârfi chu nan thinlung ah a hawng chêu lânlo chu khâwnvâr chêu, mi nih mûi ah an sunhsak hâwi hen nan sunhsak chun a ṭha asi.

1 JOHAN 1:10

“Thilsual kan ti lo” kan ti chun, Pathian chu âwkrâwl ah kan siam le, a thu khawm kanmah lakah a um lo asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

THUPHUANG 12:17

Chun, Rûlrêu chu nunau tlûnah a thinthawk le, a thlak tla an um rih mi, Pathian thupêk tla zâwt hen Jisu theihtirnâk thu pawmtu tla chu do ding hen a suak rawh.

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.

THUPHUANG 2:28

Chun, deirêl ârfi chu anmah tla ka pêk na lai.