1 JOHAN 4:9 - Bawm Common Language Bible Version

⁹ Hi hi Pathian nih zângfahnâk kan rangah a langhtir mi chu asi, a Fapa neihlem laikulh ah a hawng fial mi zârah nungnâk kan nei khonâk ding hen.

1 JOHAN 4:9 ပူးပေါင်းရင်းမြစ်များ

GENESIS 22:2

Pathian nih, “Na fapa, na neihlem mi Isak, na dâwt thlo mi kha, put le, Moriah ram ah kal rawh. Chu ram mi tlâng kan muhtir ding mi ah chun bâwlnâk ah ka sinah hawng ap,” a ti.

SAM 2:7

“LALPA nih a sim mi chu ka phuang awt” Lalchem nih a ti. ‘LALPA nih ka fapa na si, tusûn hin na pa kasi,’ a ti.

MARK 12:6

Chun, pakhat, fapa duhtak a nei rih; ‘Ka fapa hi chu an zah lai,’ ti hen, anih chu a madung chem ah an sinah a fial.

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

JOHAN 10:10

Fîrmang chu fîr ding leh thah ding leh rawk ding lo chun a hawng kal lo; kei lam chu nungnâk an nei khonâk ding hen, tam tak an nei khonâk ding hen, hawng kal kasi.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

JOHAN 3:18

Âuzawng amah zumhtu chu mawh hen an um lo; âuzawng zumhlotu chu mawh chia hen an um, Pathian Fapa neihlem min an zumh lo ruangah.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

JOHAN 6:29

Chun, Jisu nih an sinah, “Pathian rianṭuan chu hi hi asi, a fial mi hi zumh ule,” a ti le, a sâng.

JOHAN 6:51

Kei hi vân thawk hen sang nung hawng ṭum chu kasi, âuzawng nih hi sang hi a ei chun zungzâl hen a nung kumza lai; asi, laikulh nungnâk ding ah ka pêk ding mi sang chu ka taksa hi asi, “ a ti.

JOHAN 6:57

Pa nung mi nih chun hawng ka fial le, Pa ruangah nung kasi hâwi hen, âuzawng hawng ka eitu chu keimah ruangah anih khawm a nung lai.

JOHAN 8:29

Hawng ka fialtu chu ka sinah a um le, hawng ka thlahthlamh lo; a lawmh kâng thil ka ti kumza ruangah,” a ti.

JOHAN 8:42

Jisu nih an sinah, “Pathian nan pa asi chun, nan hawng ka dâwt lai; Pathian sinah suak le, amah sin thawk hen hawng kal kasi; keimah thu hen hawng kal kasi lo, amah fial mi kasi dauh.

JOHAN 9:3

Jisu nih, “Hi minung khawm nih a sual lo, a nu leh a pa khawm nih an sual lo; Pathian rianṭuan a tlûnah a langhnâk ding hen asi dauh.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

HEBRAI 1:5

Vânmifial tla lakah âu sinah me hi bang thu hi a sim dah tâwn: “Nang lam chu ka Fapa na si, tusûn hin kei na Pa kasi,” ti mi leh, “Kei a Pa kasi lai le, anih chu ka Fapa asi lai,” ti hi.

1 JOHAN 3:16

Hi lak hin zângfahnâk chu zei me asi ti kan theih, Krist nih kan rangah a nungnâk hawng kan pêk mi lak hin, kannih khawm nih unau tla rangah kan nungnâk kan pêk bâk ding asi.

1 JOHAN 4:10

Zângfahnâk ka ti mi hi, kanmah nih Pathian kan zângfah ka ti mi silo le, amah nih hawng kan zângfah le, kan sual tla ngaihdamnâk ding hen a Fapa a hawng fial ka ti dauh asi.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.

1 JOHAN 5:11

Theihtirnâk chu hi hi asi, Pathian nih zungzâl nungnâk hawng kan pêk le, chu nungnâk chu a Fapa ah kan nei asi.

1 JOHAN 5:13

Zungzâl nungnâk nan nei ti nan theih khonâk ding hen, nannih Pathian Fapa min lungtu tla sinah hi bang thu hi ka rîn asi.