1 JOHAN 4:8 - Bawm Common Language Bible Version

⁸ Zângfahnâk neilotu nih chun Pathian a theih lo, Pathian chu zângfahnâk asi.

1 JOHAN 4:8 ပူးပေါင်းရင်းမြစ်များ

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

2 KORIN 13:11

A dawnghchem ah chun unau le tla, lâwm tak hen um u. Ṭhat rangtling hen um ule; lungngam tak hen um ule, thinlung munkhat put ule, lungrual tak hen um u; chun zângfahnâk 1eh remnâk Pathian chu nan sinah a hawng um lai.

EPHESI 2:4

Sikhawmsele, Pathian nih chun zângfahnâk a chawng hen a zângfahnâk fâk tak ruangah khan,

HEBRAI 12:29

kan Pathian hi mi khanghtu mei asi ruangah.

1 JOHAN 1:5

Chun, thuchah a Fapa sin thawk hen kan theih le, nan sinah kan simh na mi chu hi hi asi: Pathian chu chêu asi, amah lakah chun mûi rerêng a um lo.

1 JOHAN 2:4

A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 2:9

Mah unau hua ṭung hen, “Chêu ah ka um” titu chu tu khawm ah mûi ah a um ko asi.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.

1 JOHAN 3:6

Âuzawng amah lakah umtu nih chun thilsual a ti lo, âuzawng thilsual titu nih chun amah chu a muh lo le, theih khawm a theih lo.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.

1 JOHAN 4:7

Duhtak tla, zângfahnâk hi Pathian thawk hen suak asi ruangah kanna zângfah tawnh ding asi. Âuzawng zângfahnâk neitu chu Pathian fa asi, Pathian khawm a theih.