1 JOHAN 4:7 - Bawm Common Language Bible Version

⁷ Duhtak tla, zângfahnâk hi Pathian thawk hen suak asi ruangah kanna zângfah tawnh ding asi. Âuzawng zângfahnâk neitu chu Pathian fa asi, Pathian khawm a theih.

1 JOHAN 4:7 ပူးပေါင်းရင်းမြစ်များ

JOHAN 13:34

Thupêk thar ka nan pêk na hi, a dâwt ule; kei nih ka nan dâwt na hâwi hen, nannih khawm a dâwt u.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

1 KORIN 8:3

Sikhawmsele, âuzawng nih Pathian a dâwt chun, chu tak chu amah theih asi.

2 KORIN 4:6

Jisu Krist mêl ah chun Pathian rokual zia chêu chu hawng kan pêk ding hen, “Mûi lakah mi chêu a hawng chêu lai,” titu Pathian nih chun kan thinlung tla hi a hawng cherh rawh ruangah.

GALATIA 4:9

Tuah Pathian nan theih nûnah lam chun asi lo, Pathian mi theih nan hawng si nûn hin ti ding asi dauh, thilbul chak lo leh dawrlâp sal ah um mi leh nan duhnâk leikângah chun zeitin zia kîr nawlh me nan si? Zei rangah chu tla sal ah um ding nan duh nawlh êu?

GALATIA 5:22

Thlarau rah lam chu zângfahnâk, lâwptlonâk, remnâk, dawnhkhonâk, vêlneihnâk, ṭhatnâk,

DEUTERONOMY 30:6

LALPA nan Pathian nih nanmah leh nan thlâk tla rangah ê-aw ngâinâk thinlung a nan pêk na lai le, churawhchun nan thinlung zawzawng hen amah nan dâwt lai le, chu ram ah chun nan um kumza lai.

2 TIMOTHE 1:7

Pathian nih lâunâk Thlarau hawng kan pêk lo le; thiltikhonâk leh dâwtnâk leh mah a sûmkhonâk Thlarau hawng kan pêk dauh ruangah.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.

1 JOHAN 2:10

Mah unau zângfahtu chu chêu ah a um kumza le, amah lakah tlûknâk rerêng a um lo.

1 JOHAN 2:29

Amah chu mirep asi ti nan theih chun, mi âuzawng repnâk titu chu Pathian fa asi ti nan theih lai.

1 JOHAN 2:3

Chun, a thupêk tla kan zâwt chun, chu lakah chun amah kan theih ti kanna theih asi.

1 JOHAN 2:4

A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 2:7

Duhtak le tla, thupêk thar lam chu nan sinah ka hawng rîn lo le, thupêk li, a tîr thawk hen nan nei mi kha ka hawng rîn dauh asi. Thupêk li chu nan theih rawh mi thu kha asi.

1 JOHAN 3:9

Âuzawng Pathian fa nih chun, Pathian nunchan amah lakah a um kumza ruangah thilsual a ti tâwn lo, Pathian a Pa asi ruangah thilsual a ti kho lo.

1 JOHAN 4:11

Duhtak le tla, chu hâwi tluk hen Pathian nih hawng kan zângfah asi chun, kannih khawm kanna zângfah tawnh ding asi.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?

1 JOHAN 4:8

Zângfahnâk neilotu nih chun Pathian a theih lo, Pathian chu zângfahnâk asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

2 JOHAN 1:5

Nunau: na sinah thupêk thar hâwi a rîn silo hen, a tîr thawk hen kan nei mi hâwi a rîn dauh hen, kanna zângfah tawnh ding hen ka rîn asi.