1 JOHAN 4:4 - Bawm Common Language Bible Version

⁴ Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 4:4 ပူးပေါင်းရင်းမြစ်များ

JOHAN 12:31

Tuah hi laikulh hi lâirêl asi; tuah hi laikulh lal hi lawnh asi lai.

JOHAN 14:30

Nan sinah thu tam ka sim awtlo rawh, laikulh lal a hawng kal awt ruangah. Anih chu keimah lakah zeikhawm thu a nei lo.

JOHAN 16:11

lâirêl thu ah an mawh ti a theihtir lai, hi laikulh lal hi mawh hen a tlû rawh ruangah.

JOHAN 17:23

kei anmah lakah, nang keimah lakah, annih chu rangtling tak hen pumkhat an si khonâk ding hen; nangnih kei na ka fial ti leh na ka dâwt hâwi hen annih hi na dâwt ti laikulh nih an theih khonâk ding hen.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

ROM 8:37

Ṭhen lah e, chubang zawzawng lakah chun hawng kan dâwttu ruangah rokual tak hen nehtu kan si.

1 KORIN 2:12

Chun, a thawt hen Pathian nih thu hawng kan pêk mi tla chu kan theih khonâk ding hen, kannih lam nih chun laikulh thlarau si lo hen, Thlarau, Pathian sinah mi chu kan tawng dauh asi.

1 KORIN 6:13

“Ei ding tla chu paw rangah asi, paw chu ei ding tla rangah asi. Sikhawmsele, Pathian nih a tlâutir vevê lai. Chun, taksa hi pung le lêngnâk asi lo le, Lalpa rangah asi dauh; Lalpa khawm taksa rangah asi.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

EPHESI 6:10

A dawnghchemnâk ah Lalpa ah leh a chaknâk ah thiltikhonâk nei hen hawng um u.

1 JOHAN 2:1

Ka fa le, thilsual nan ti lonâk ding hen hi bang thu hi nan sinah ka hawng rîn asi. Chun, âuzawng nih thilsual a ti chun, Pa sinah simpitu Jisu Krist mirep chu kan nei asi,

1 JOHAN 2:13

Pa le tla, amah chu a tîr thawk hen a um kumza ti nan theih ruangah nan sinah ka hawng rîn asi. Rualnâu tla, Misual chu nan neh rawh ruangah nan sinah ka hawng rîn asi.

1 JOHAN 3:20

kan thinlung nih mawh hawng kan phurhtir khawm ah, Pathian chu kan thinlung ngâk hen rokual dauh leh zeizawng theihkhotu asi.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.

1 JOHAN 4:13

Amah chu kanmah lakah a um kumza mi leh kannih amah lakah kan um kumza ti, hi lak hin kan theih, a Thlarau hawng kan pêk mi lak hin.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.

1 JOHAN 4:6

Kannih lam chu Pathian lakah mi kan si. Âuzawng Pathian theihtu zawng nih kan thu an ngâi tâwn. Pathian lakah mi lo nih chun kan thu an ngâilo, chubang lakah chun Thlarau dik leh thlarau diklo chu kan theih asi.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

1 JOHAN 5:4

Pathian fa vial nih chun laikulh a neh kho vima le, hi laikulh kan nehnâk chu kan lungnâk hen asi.

THUPHUANG 12:11

Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;