1 JOHAN 4:21 - Bawm Common Language Bible Version

²¹ Hi hi Krist nih thu hawng kan pêk mi chu asi “Mi nih Pathian a zângfah chun a unau khawm a zângfah ding asi,” ti hi.

1 JOHAN 4:21 ပူးပေါင်းရင်းမြစ်များ

LEVITICUS 19:18

Âukhawm lehrul sam hen hua kumza lah. Sikhawmsele nangmah na dâwt hâwi hen na zâwlbâwm dâwt rawh. Kei, LALPA chu kasi.

MATHAI 5:43

“ ‘Na zâwlbâwm tla dâwt le, na mêlma hua na,’ an ti, ti nan theih rawh.

LUK 10:37

Chun, anih nih chun a sinah, “A lungkhamtu chu,” a ti. Chun, Jisu nih a sinah, “Nang khawm chu hâwi ber hen va ti bâk rawh,” a ti.

JOHAN 15:12

Hi hi ka thupêk asi: Kei nih ka nan dâwt na hâwi ber hen, nannih khawm a dâwt u.

GALATIA 5:14

“Nangmah na dâwt hâwi hen na zâwlbâwm tla na dâwt ding asi,” ti thu kâ khat nih hin Dân thu zawzawng chu a rangtlingtir rawh asi.

GALATIA 5:6

Krist Jisu ah chun fêmtan hi zeikhawm a ṭhatnâk a um lo, fêmtan lo khawm zeikhawm a ṭhatnâk a um lo; lungnâk, zângfahnâk ah ṭuan tam chu a ṭhavak asi.

1 THESALONIKA 4:9

Khawmsele, unau tla, dâwt leikâng thu chu rîn piak nan herh lo, a dâwt tawnh ding hen nanmah ngelchel Pathian sîntir hen nan um ruangah.

1 PETER 3:8

A dawnghnâk ah chun nan ektê hen thinlung munkhat hen um u, a siherh tawnh u; unau tla hâwi hen a dâwt tawnh u, zângfahnâk nei tawnh ule, a nâutir tawnh u.

1 PETER 4:8

Zeizawng ngâk hen, semsengâi tak hen a dâwt tawnh ule, dâwtnâk nih sual tam tak a khuh tâwn ruangah.

1 JOHAN 2:7

Duhtak le tla, thupêk thar lam chu nan sinah ka hawng rîn lo le, thupêk li, a tîr thawk hen nan nei mi kha ka hawng rîn dauh asi. Thupêk li chu nan theih rawh mi thu kha asi.

1 JOHAN 3:11

Hi hi a tîr thawk hen thuchah nan theih mi kha asi: Kanna zângfah tawnh ding asi, ti hi.

1 JOHAN 3:14

Kan unau tla kan zângfah ruangah thihnâk ah mi kan suak le, nungnâk ah kan lût rawh ti kan theih. Âuzawng chu hâwi ti lotu chu thihnâk ah a um kumza asi.

1 JOHAN 3:18

Fa le tla, thu cho hen a zângfah lah ule, kâ cho hen khawm a zângfah lah u, thilti leh thungâi tak hen si dauh seh.

1 JOHAN 3:23

Chun, a thupêk chu hi hi asi, Jisu Krist nih thu hawng kan pêk hâwitê hen, Jisu Krist min lung hen a zângfah tawnh ding asi.

1 JOHAN 4:11

Duhtak le tla, chu hâwi tluk hen Pathian nih hawng kan zângfah asi chun, kannih khawm kanna zângfah tawnh ding asi.