1 JOHAN 4:2 - Bawm Common Language Bible Version

² Hi lakah hin Pathian Thlarau chu nan theih lai: âuzawng Jisu Krist chu taksa ah a hawng a chang asi titu chu Pathian lakah mi Thlarau neitu asi.

1 JOHAN 4:2 ပူးပေါင်းရင်းမြစ်များ

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

1 KORIN 12:3

Churuangah, âukhawm nih Pathian Thlarau ah thusim hen, “Jisu chu siat phurh asi,” an ti dahlo; chun âukhawm nih Thlarau Thenhlimh ah cho lo chun “Jisu chu Lalpa asi,” an ti kho dahlo ti ka nan theihtir na.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 2:23

Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 4:15

Âuzawng, “Jisu chu Pathian Fapa asi” titu chu amah lakah Pathian a um kumza le, anih khawm chu Pathian lakah a um kumza asi.

1 JOHAN 4:3

Sikhawmsele, âuzawng Jisu taksa ah a hawng a chang ti êltu chu Pathian lakah mi Thlarau neitu asi lo, chu chu Krist mêlma thlarau a hawng kal ding nan theih mi asi, tu khawm ah laikulh ah a um chia rawh asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

2 JOHAN 1:7

Perpettu tam tak, Jisu Krist chu laikulh ah hin taksa hen a hawng kal ti lotu tla kha an hawng suak rawh dangâiah, chun, chu tla chu Krist Mêlma leh mi bumtu lian tak an si.