1 JOHAN 4:17 - Bawm Common Language Bible Version

¹⁷ Zângfahnâk thiltum chu kan lakah siam rangtling hen a um rawh: lâirêl ding mi Ni lak khawm ah râlṭha tak hen kan um khonâk chu hi laikulh ah hin Jisu Krist nunchan hâwi put hen kan um ruangah asi.

1 JOHAN 4:17 ပူးပေါင်းရင်းမြစ်များ

MATHAI 10:15

Thungâi tak hen ka nan simh na, lâirêl ni ah chun chu khua tla tuar ngâk chun Sodom leh Gomorah ram tuar ding chu a ziachâng a um dauh lai.

MATHAI 10:25

Sîntu chu a sîntirtu hâwi hen a hawng um mi leh to-aw chu a pu hâwi hen a hawng um mi chu â tâwk. Indâwngpu men ‘Belzebul’ an ti chun, a dâwngsung tla chu an ti ding rêng asi!

MATHAI 11:22

Sikhawmsele, ka nan ti na, lâirêl ni ah chun nannih tuar ngâk hen Tura leh Sidon tuar ding chu a ziachâng a um dauh lai.

MATHAI 11:24

Sikhawmsele, ka nan simh na, lâirêl ni ah chun na tuar ding mi ngâk chun Sodom ram tuar ding mi chu a ziachâng a um dauh lai,” a ti.

MATHAI 12:36

“Chun, ka nan simh na, mi nih thu-do-tla-lo an sim kip ah chu thu thâwngthâng chu lâirêl ni ah chun an sim lai.

JOHAN 15:20

‘To-aw a pu ngâk hen a rokual lo,’ ti thu kan simh na rawh kha, theihkumza u. Anmah nih kei an ka nehsawh chun, nannih khawm an nehsawwh na lai; ka thu an zâwt chun, nannih thu khawm an zâwt lai.

JOHAN 17:22

Chun, nangmah nih rokualnâk na ka pêk mi kha kei nih an sinah ka pêk rawh; annih, chu pumkhat an sinâk ding hen, kannih pumkhat kan si hâwi hen;

ROM 8:29

A theihkan mi tla chu amah Fapa hâwi tak hen um ding hen a ruatkan asi, a Fapa chu unau tam tak tla lakah fa tîr a hawng si khonâk ding hen.

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

JEM 2:22

A lungnâk leh a thilti hen munkhat hen a ṭuan le, chun, thilti ruangah a lungnâk chu a rangtling rawh ti na theih.

2 PETER 2:9

Lalpa nih chun amah sunhsaktu tla chu lêmnâk thawk hen suah na ding leh misual tla chu Lâirêl Ni rang ding ah siah rih ding dân a theih.

2 PETER 3:7

Sikhawmsele, tuah vân tla leh tual um mi tla hi, Pathian thu ber hen mei hen veih an si lai le, Pathian sunhsaklo tla lâirêlnâk leh veihnâk ding ni rangah siah an si.

1 JOHAN 2:28

Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.

1 JOHAN 2:5

Âuzawng a thu zâwttu chu amah lakah chun Pathian zângfahnâk a rangtling tatak rawh asi.

1 JOHAN 2:6

Pathian sinah kan um asi ti theihnâk chu hi hi asi, Pathian lakah ka um titu chu Jisu hâwitê hen a um ding asi.

1 JOHAN 3:1

Ngâinik u, Pa nih hawng kan dâwt zia chu a fâk a! A dâwtnâk fâk tak ruangah Pathian fa ah kawh hen kan um hi, chu hâwi chu kan si, hi ruangah laikulh nih hawng kan theih lo asi, amah chu an theih lo ruangah.

1 JOHAN 3:3

Âuzawng Jisu Krist ah lungnâk nei mi vial nih amah â thenhlimh hâwi hen a thenhlimhtir tâwn.

1 JOHAN 3:7

Fa le tla, âu perpet hen khawm um lah u, Jisu Krist â rep hâwi hen thil dik titu chu â rep asi.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.