1 JOHAN 4:15 - Bawm Common Language Bible Version

¹⁵ Âuzawng, “Jisu chu Pathian Fapa asi” titu chu amah lakah Pathian a um kumza le, anih khawm chu Pathian lakah a um kumza asi.

1 JOHAN 4:15 ပူးပေါင်းရင်းမြစ်များ

MATHAI 10:32

“Chuvachun, mi le tla mâika ah hawng ka ṭanhtu zawng ka Pa vân ah mi mâika ah ka ṭanh bâk lai.

LUK 12:8

“Chun, ka nan simh na, mi le mâika ah hawng ka ṭanhtu zawng Pathian vânmifial tla mâika ah Minung Fapa nih a ṭanh bâk lai.

JOHAN 6:56

Âuzawng ka taksa ei hen ka thisen dintu chu, keimah lakah a um kumza tâwn, kei khawm amah lakah ka um kumza tâwn.

THILTI 8:37

Chun, Philip nih chun a sinah, “Na thinlung zawzawng hen na lung chun na baptis kho lai,” a ti. Chun, anih nih chun tihin a sâng le, “Jisu Krist chu Pathian Fapa asi ti ka lung,” a ti.

ROM 10:9

“Na kâ hen Jisu chu Lalpa asi ti na ṭanh hen, mithi lakah mi Pathian nih a thawh ti na thinlung ah na lung chun ruangsuah hen na um lai,” ti hen.

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

1 JOHAN 2:23

Âuzawng Fapa lung lotu nih chun Pa khawm a lung lo, Fapa lungtu lam nih chun Pa khawm a lung asi.

1 JOHAN 2:24

Thuchah a tîr thawk hen nan theih rawh mi kha nan thinlung ah kil thlir u. Chu hâwi hen nan thinlung ah nan kil thlir chun Pa leh Fapa hen nanna tlâi kumza lai.

1 JOHAN 3:23

Chun, a thupêk chu hi hi asi, Jisu Krist nih thu hawng kan pêk hâwitê hen, Jisu Krist min lung hen a zângfah tawnh ding asi.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.

1 JOHAN 4:12

Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.

1 JOHAN 4:2

Hi lakah hin Pathian Thlarau chu nan theih lai: âuzawng Jisu Krist chu taksa ah a hawng a chang asi titu chu Pathian lakah mi Thlarau neitu asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

1 JOHAN 5:5

“Jisu chu Pathian Fapa asi” titu cho lo nih chun âunih me laikulh a neh kho?

2 JOHAN 1:7

Perpettu tam tak, Jisu Krist chu laikulh ah hin taksa hen a hawng kal ti lotu tla kha an hawng suak rawh dangâiah, chun, chu tla chu Krist Mêlma leh mi bumtu lian tak an si.