1 JOHAN 4:12 - Bawm Common Language Bible Version

¹² Âukhawm nih Pathian an muh dahlo; kanna zângfah tawnh chun, Pathian kanmah lakah a um lai le, a zângfahnâk khawm kanmah lakah a rangtling lai.

1 JOHAN 4:12 ပူးပေါင်းရင်းမြစ်များ

GENESIS 32:30

Jakob nih, “Pathian mâitawnh hen ka muh le, ka thi lo,” Churuangah, chu mun chu a min ah Peniel a ti.

EXODUS 33:20

Ka mêl lam chu kan muhtir ding asi loh, ka mêl muh hen âukhawm dam mi an um lo ruangah.

NUMBER 12:8

Churuangah mâitawnh hen a sinah thu ka sim le, fiang tak leh lâilanh hen thu ka sim; ka minung khawm hawng ka muh, ka to-aw Mosi hi zeitin nan sâwi ngam zia?” a ti.

JOHAN 1:18

Âukhawm nih Pathian an muh dahlo, Fapa neihlem, Pa kiangah um mi tak nih khan, amah a theihtir rawh asi.

1 KORIN 13:13

Chun, hi pathum, lungnâk, lungumnâk leh dâwtnâk tla hi a um kumza lai; chun hi bang tla lakah hin a rokual chem mi chu dâwtnâk hi asi.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

1 TIMOTHE 6:16

Amah cho nih thih kholonâk a nei, chêu naih kho lo rê ah a um le, amah chu âukhawm nih an muh dahlo, muh khawm an muh kho ber lo, amah sinah zungzâl chawnglawmhnâk leh thiltikhonâk um seh. Amen.

HEBRAI 11:27

Lungnâk hen lalchem thinthawknâk chu ṭih lo hen Aigupta ram a kaltâk le, muh kho lo mi Pathian chu a muh ruangah a tuar rarâm asi.

1 JOHAN 2:5

Âuzawng a thu zâwttu chu amah lakah chun Pathian zângfahnâk a rangtling tatak rawh asi.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?

1 JOHAN 4:6

Kannih lam chu Pathian lakah mi kan si. Âuzawng Pathian theihtu zawng nih kan thu an ngâi tâwn. Pathian lakah mi lo nih chun kan thu an ngâilo, chubang lakah chun Thlarau dik leh thlarau diklo chu kan theih asi.