1 JOHAN 4:1 - Bawm Common Language Bible Version

¹ Duhtak tla, Thlarau nei ding ti thusimtu zawzawng chu lung ver lah u, thlarau chu Pathian lakah mi asi leh silo nik u. Khuavâng telê tam tak mun kip ah an suak rawh ruangah.

1 JOHAN 4:1 ပူးပေါင်းရင်းမြစ်များ

1 Lal 13:18

Churawhchun, Bethel mi khuavâng tarpa nih a sinah, “Kei khawm nangmah hâwi hen khuavâng kasi bâk, LALPA thupêk hen vânmifial nih ka in ah kalpi ding leh sunhsaknâk an pêk ding hen hawng ka simh asi,”a ti. Sikhawmsele, chu khuavâng tarpa nih âwkrâwl thu a sim mi asi.

THUFING LASUIBU 14:15

Mi â nih zei thil zawng a lung le, mi theihthiamnâk nei mi nih thiamthih hen a kê a kâr.

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

JEREMIA 23:16

LALPA Zeizawng tikho nih Jerusalem mi tla sinah, “Khuavâng thusim ngâi lah u; lungumnâk diklo hen an khattir na lai. Keimah thusim silo hen anmah thinlung thu an simh na mi asi.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

MARK 13:21

“Chun, chu tikah chun âuzawng nih nan sinah, ‘Zauhnik u, Mesia hinah a um,’ mawh ‘Zauhnik u, hinah khi!’ mawh an ti na chun lung lah u.

LUK 12:57

“Zei rangah me nanmah nih a dik mi chu nan ruat lo?

LUK 21:8

Chun, anih nih chun, “An perpet na lonâk ding hen a thiamthih u. Mi tam tak nih, ‘Amah chu kasi, a tik a tlung rawh,’ ti hen, keimah min sâl hen an hawng lai; chu minung tla chu zûl lah na u.

THILTI 17:11

Chunah mi tla chu Thesalonika khua tla ngâk chun an ṭha dauh le, chun thinlung lâwm tak hen thu chu an pawm le, an thu chu a dik leh diklo theih ding hen nisiar hen Pathian lasui thu ah an hâwl tâwn.

THILTI 20:29

Ka kal nûnah chingngia râng tla nan lakah a hawng lût lai le, murui tla an zuah lai loh ti ka theih.

1 KORIN 12:10

Midang sinah thilchê tikhonâk tla pêk asi; midang sinah thusim khonâk pêk asi; midang sinah Thlarau tla theih dik khonâk pêk asi; chun midang sinah hawlh chi dang dang hen thusim khonâk ha pêk asi; midang sinah hawlh simhfiang khonâk tla pêk asi.

1 KORIN 14:29

Thusimtu tla khawm nih panih mawh pathum mawh sim sele, midang tla nih chun dawn seset seh.

1 THESALONIKA 5:21

zeizawng nik dauh ule, a ṭha mi vial zâwt ule,

2 THESALONIKA 2:2

tinâk thlarau ruangah mawh, thu ruangah mawh, kan sin thawk hen lasuikuat hen mawh, nan thinlung â nîn sawm lonâk ding leh nanna nawklonâk ding hen kan ngiar na.

1 TIMOTHE 4:1

Sikhawmsele, hi nûnah chun mi zeimaw mi tla chu mi âwkrâwl tla perpetnâk ruangah veihnâk thlarau tla leh khuri tla sîntirnâk thu sunhsak hen lungnâk chu an bângtâk mi hi Thlarau nih chun fiang tak a sim.

2 TIMOTHE 3:13

Misual leh perpettu tla lam chu mi perpet leh mah khawm mi perpet a um hen an sual dadauh lai.

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

1 JOHAN 2:18

Ka fa le tla, tik dawnghnâk chu a nâi rawh, Krist Mêlma a hawng kal lai ti nan theih rawh hâwi khan, tu khawm ah Krist Mêlma tam tak an hawng suak rawh, churuangah chun tik madung chem asi rawh ti kan theih.

1 JOHAN 2:7

Duhtak le tla, thupêk thar lam chu nan sinah ka hawng rîn lo le, thupêk li, a tîr thawk hen nan nei mi kha ka hawng rîn dauh asi. Thupêk li chu nan theih rawh mi thu kha asi.

2 JOHAN 1:7

Perpettu tam tak, Jisu Krist chu laikulh ah hin taksa hen a hawng kal ti lotu tla kha an hawng suak rawh dangâiah, chun, chu tla chu Krist Mêlma leh mi bumtu lian tak an si.

3 JOHAN 1:11

Duhtak, thil ṭhalo chu châwng lah le, a ṭha mi chu châwng dauh rawh. Thil ṭha titu chu Pathian lakah mi asi, thilsual titu nih chun Pathian a muh dahlo.

THUPHUANG 2:2

Na thilti zia tla, na hamh zia leh na felfê zia tla, misual tla na sâithiam lo zia tla ka theih. Mifial si lêm lo hen mifial â ti mi tla chu na nik ber le, mi âwkrâwl an si ti na theih rawh le;