1 JOHAN 3:9 - Bawm Common Language Bible Version

⁹ Âuzawng Pathian fa nih chun, Pathian nunchan amah lakah a um kumza ruangah thilsual a ti tâwn lo, Pathian a Pa asi ruangah thilsual a ti kho lo.

1 JOHAN 3:9 ပူးပေါင်းရင်းမြစ်များ

JOB LASUIBU 19:28

“Zeitin khi minung hi kan rêp lai?” na ti mi ruangah ka râlṭhatnâk a tlâu thlo. Keimah do ding hen krai na hâwl.

SAM 119:3

Thil diklo an ti dahlo, LALPA lampi ah an kal.

LEVITICUS 11:37

Zei chî tal tuh ding mi ruak nih a denh chun, thiang hen ngaih asi.

MATHAI 7:18

Thing ṭha a rah a sia kho lo le, thing sia khawm a rah a ṭha kho lo.

JOHAN 1:13

Minung thlâknâk thawk hen ring mi ansi lo; taksa duhnâk thawk hen ring mi khawm ansi lo; mipa duhnâk thawk hen ring mi khawm ansi lo; Pathian thawk hen ring mi an si dauh.

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

THILTI 4:20

Kannih lam chu thil kan muh mi leh kan theih mi tla hi simlo hen kan um kho lo,” an ti.

ROM 6:2

Si lo e; kannih sual leikângah thi rawh mi, sual hen zeitin me kan nung kho nget lai rih?

GALATIA 5:17

“Taksa nih hin Thlarau lei donâk a duh tâwn, Thlarau khawm nih taksa lei donâk a duh tâwn; thilti nan tum mi tla chu nan ti kho lonâk ding hen chubang tla chu â kalh asi.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

1 PETER 1:23

Thikho mi nu leh pa fa hâwi silo hen, thikholo mi fa tla, Pathian zungzâl thu nung ah suak nawlh mi nan si ruangah.

1 JOHAN 2:29

Amah chu mirep asi ti nan theih chun, mi âuzawng repnâk titu chu Pathian fa asi ti nan theih lai.

1 JOHAN 3:6

Âuzawng amah lakah umtu nih chun thilsual a ti lo, âuzawng thilsual titu nih chun amah chu a muh lo le, theih khawm a theih lo.

1 JOHAN 4:7

Duhtak tla, zângfahnâk hi Pathian thawk hen suak asi ruangah kanna zângfah tawnh ding asi. Âuzawng zângfahnâk neitu chu Pathian fa asi, Pathian khawm a theih.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

1 JOHAN 5:18

Âuzawng Pathian fa nih chun thilsual a ti lo ti kan theih, Pathian Fapa nih chun a vêng kumza le, Misual nih a râwk kho lo asi.

1 JOHAN 5:4

Pathian fa vial nih chun laikulh a neh kho vima le, hi laikulh kan nehnâk chu kan lungnâk hen asi.

3 JOHAN 1:11

Duhtak, thil ṭhalo chu châwng lah le, a ṭha mi chu châwng dauh rawh. Thil ṭha titu chu Pathian lakah mi asi, thilsual titu nih chun Pathian a muh dahlo.