1 JOHAN 3:8 - Bawm Common Language Bible Version

⁸ Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

1 JOHAN 3:8 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

ISAI 27:1

Chu ni ah chun LALPA nih Leviathan, rûlpi kual nuai leh ngerh tul hen um mi rêp ding leh tipi ah um mi sarâng thah ding hen a thiltikhonâk leh thihnâk nâmsâu a mang awt.

NUMBER 21:9

Churawhchun, Mosi nih dâr rûl a siam le, thingtluan pâr ah a thlâi. Âuzawng rûl nih a chuk na mi, chu dâr rûl chu an zauh chun an dam vima.

MATHAI 12:28

Sikhawmsele, kei Pathian Thlarau ruangah khuri tla nar tâwn kasi chun Pathian Ram nan sinah a tlung rawh asi lai.

MATHAI 13:38

“Chî ṭha vawrhtu chu Minung Fapa hi asi; lo chu laikulh hi asi le, chî ṭha chu Pathian Ram fa tla an si le, fâng telê chu Setan fa tla an si.

MATHAI 4:3

Chun, Diabol chu a hawng kal le, “Pathian Fapa na si chun hi bang lung hi sang ah chang ding hen thu pêk rawh,” a ti.

MARK 1:24

“Nazaret Jisu, kannih leh nang zei me kanna tlâinâk um? Hawng kan veih ding hen na hawng mi masi? Nang ka nan theih, Pathian Mi Thenhlimh na si,” ti hen a âu sawm rawh.

LUK 10:18

Chun, anih nih chun an sinah, “Mîmthlalek hâwi hen Setan chu vân thawk hen a hawng tlâ mi kha ka muh.

JOHAN 12:31

Tuah hi laikulh hi lâirêl asi; tuah hi laikulh lal hi lawnh asi lai.

JOHAN 16:11

lâirêl thu ah an mawh ti a theihtir lai, hi laikulh lal hi mawh hen a tlû rawh ruangah.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

ROM 16:20

Chun, remnâk Pathian nih chun nan kêzaphah tangah Setan chu a nan lamhbêktir sawm na lai. Kan Lalpa Jisu Krist zângfahnâk chu nan sinah um seh.

EPHESI 2:2

Chubang lakah chun a lân khan hi laikulh dân hâwi hen nan um kha, boruak ah thuneihnâk lal tuah lunglo fa tla rangah ṭuan chirtu thlarau dân hâwi hen.

KOLOSA 2:15

Chun, lalnâk leh thuneihnâk tla chu lît hen, chu Kraws lakah chun chubang tla chu neh hen, langngân hen theihtirnâk ah a mang rawh.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

HEBRAI 2:14

Chun, ngâksia tla hi taksa leh thisen nei mi tla an si ruangah Jisu ngelchel khawm anmah hâwi minung taksa put asi bâk. A thihnâk ruangah

HEBRAI 9:26

Chu hâwi si lah sele tual tuah tîr thawk hen vei tam tak a tuar rawh ding asi; sikhawmsele, tuliau hun dawnghlei ah hin bâwlnâk ah va a mang chawlh hen sual veihnâk ding hen veikhat ah a hawng lang asi.

2 PETER 2:4

Vânmifial tla nih thil an sual liau khan Pathian nih a zuah lo le, rêpmun ah a lawnh le, lâirêl piak ding ni ngâk hen khur mûi ah a khumh rawh.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.

1 JOHAN 3:5

Amah chu sual tla veih ding hen a hawng lang rawh ti nan theih, amah lakah chun sual zeikhawm a um lo.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

JUD 1:6

Vânmifial anmah thuneihnâk tâwk ri duh lo hen, an mun kaltâktu tla chu, mawhtir hen an umnâk ding Ni rokual tak rangah zungzâl chikchîn hen Pathian nih phuar hen mûi ah a siah na mi chu theihkumza u.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.