1 JOHAN 3:5 - Bawm Common Language Bible Version

⁵ Amah chu sual tla veih ding hen a hawng lang rawh ti nan theih, amah lakah chun sual zeikhawm a um lo.

1 JOHAN 3:5 ပူးပေါင်းရင်းမြစ်များ

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

MATHAI 1:21

Fapa a ring lai le, a min ah JISU na sak lai; anih nih chun a mi tla an thilsual ti lakah mi ruang a suah na awt ruangah,” a ti.

LUK 23:41

Kannih lam chu rêp ding rêng kan si; kan thilti diklo man kan tawng asi hi; hi minung nih hin zeikhawm a sual lo,” a ti.

LUK 23:47

Chun, kawrsen zâ hotu nih chun thil umzia chu a muh rawh chun, “Hi minung hi zei ti khawm hen mirep asi ngelchel lai,” ti hen, Pathian a sawr rawh.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 1:31

Amah chu ka theih lo, sikhawmsele, Israel tla sinah a hawng langhnâk ding hen, tî hen baptis ding hen ka hawng kal asi,” a ti.

JOHAN 14:30

Nan sinah thu tam ka sim awtlo rawh, laikulh lal a hawng kal awt ruangah. Anih chu keimah lakah zeikhawm thu a nei lo.

JOHAN 8:46

Nan lakah sual leikâng ah mawh nan hawng ka phurhtir khotu âu a um? Thutak ka sim khawm ah nannih nih zeirang nan hawng ka lung lo?

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

1 TIMOTHE 1:15

Krist Jisu misual tla ruangsuah ding hen laikulh ah hin a hawng kal ti hi zumh a kâi hen thungâi pawm a tlâk asi, an lakah misual chem kasi hi.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

HEBRAI 9:26

Chu hâwi si lah sele tual tuah tîr thawk hen vei tam tak a tuar rawh ding asi; sikhawmsele, tuliau hun dawnghlei ah hin bâwlnâk ah va a mang chawlh hen sual veihnâk ding hen veikhat ah a hawng lang asi.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 PETER 1:18

An thlâk natu pêk singsuan, nan umdân rawtrâilo lakah mi thil râwkkho mi, tangka leh ngûn hen tlanh nan si lo;

1 PETER 1:20

Anih chu tual leh vân siam lânah Pathian thîm hen a um le, ni dawnghnâk ah chun nanmah ruangah langh hen a um.

1 PETER 2:22

Anih nih chun thilsual rerêng a ti lo, a kâ thawk hen âwkrâwl thusim khawm âukhawm nih an theih dah loh.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 2:1

Ka fa le, thilsual nan ti lonâk ding hen hi bang thu hi nan sinah ka hawng rîn asi. Chun, âuzawng nih thilsual a ti chun, Pa sinah simpitu Jisu Krist mirep chu kan nei asi,

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.

1 JOHAN 2:29

Amah chu mirep asi ti nan theih chun, mi âuzawng repnâk titu chu Pathian fa asi ti nan theih lai.

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.