1 JOHAN 3:2 - Bawm Common Language Bible Version

² Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

1 JOHAN 3:2 ပူးပေါင်းရင်းမြစ်များ

JOB LASUIBU 19:26

Ka taksa hi râi nih a ei hep nûn khawm ah taksa ah ka um liau hin Pathian chu ka muh lai.

SAM 16:11

Nungnâk lampi leikâng chu na ka zauhtir le, na hawng ka umpinâk nih lâwmnâk a khattir hen, zungzâl lâwmnâk ah hawng ka tlunh.

SAM 17:15

Thilsual ka ti lo ruangah kei lam nih chun kan muh lai, chun, ka meng tikah na ka umpinâk nih lâwm hen ka khat lai.

SAM 31:19

Nangmah an zahtu tla rangah thil ṭha na kil mi chu a chê chiam e! Na ṭhat zia leh nangmah a nan zumhtu chu na hum na zia mikip nih an theih.

ISAI 56:5

churawhchun na min chu ka Biakin ah leh ka mi tla sinah fapa leh fanu na nei mi ngâk hen theihkumza asi lai. Zeiliau khawm ah philh na si lai lo,” a ti.

MALAKI 3:2

Sikhawmsele a hawng kal ni ah chun âunih tuar kho lai? A hawng lang tikah âu a him kho lai? Anih chu sabung chak tak hâwi leh thîr zawrtirnâk mei hâwi asi lai.

MATHAI 5:8

“Thinlung ah thenhlimh tla chu an thaw a suak, Pathian an muh awt ruangah!

LUK 17:30

Chu hâwi ber hen Minung Fapa hi a hawng a langh ni ah chun a um lai.

LUK 20:36

thi khawm an thi awtlo rawh asi, vânmifial tla tluk hen an um awt ruangah; thawknawlhnâk fa tla an si ruangah Pathian fa tla an si lai.

JOHAN 1:12

Sikhawmsele, amah duhtu vial chu an sinah Pathian fa tla si khonâk ding a pêk, a min zumhtu tla chu.

JOHAN 11:52

Chu phun tla ruangrûl cho chu asi lo, Pathian fa laikulh ah anna rek mi tla zawzawng murui khat ah a pumh na ding khawm hen asi.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

ROM 8:16

Thlarau ngelchel nih chun kanmah thlarau hen Pathian fa tla kan si ti hawng kan theihtir tâwn.

ROM 8:18

Tu liau tuarnâk tla hi, hi nûnah kan tlûnah rokualnâk langhtir ding mi hen chun tahṭhimh tlâk ah ka ruat lo.

ROM 8:19

Thilsiam zawzawng tla nih chun thungâi lungum bû hen Pathian fa tla hawng langhnâk chu thungâi an mawhlah asi.

ROM 8:29

A theihkan mi tla chu amah Fapa hâwi tak hen um ding hen a ruatkan asi, a Fapa chu unau tam tak tla lakah fa tîr a hawng si khonâk ding hen.

1 KORIN 13:12

Tu lam chun thlalang ah ka muh rianruan asi, chu tikah lam chun mâitawnh hen asi lai rawh; tuah lam chun a kim lo hen ka theih, chu tikah lam chun Pathian nih a hawng ka theih kim hâwi hen ka theih kim lai rawh.

1 KORIN 15:49

Chun, tual ah siam mi Adam banghnâk an nei hâwi hen vân ah mi Krist banghnâk chu kan nei awt asi.

1 KORIN 2:9

Pathian lasui thu nih, “Mit nih muh dahlo, nâ nih theih dah loh, minung thinlung a lût dah loh, Pathian nih a dâwt mi rangah a timhtuah mi vial tla chu,” ti hen, a sim hâwi khan.

2 KORIN 3:18

Chun, kannih chu kan ektê hen mêl khuh lo hen thlalang hâwi hen Lalpa rokualnâk cherh hen, rokualnâk thawk hen rokual vima hen, chu banghpi hâwi a um ding hen dangtir hen kan um tâwn, Lalpa Thlarau lakah mi kanna ting hâwi vima hen.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

GALATIA 3:26

Krist Jisu lung ruangah Pathian fa tla nan si ver.

GALATIA 4:6

Chun, fa nan si ruangah Pathian nih a Fapa Thlarau chu “Abba, ka Pa” ti a auh hen, kan thinlung ah a hawng fial.

PHILIPI 3:21

Anih nih chun a ṭuan hen zeizawng khawm amah thu thu hen a umtir kho, chu ṭuan zia hâwi vima hen kan taksa chaklo tak hi, amah taksa rokual hâwi a um ding hen a siam nawlh lai.

KOLOSA 3:4

Krist kan nungnâk chu a hawng a langh tikah chun nannih khawm amah sinah rokualnâk ah nanna langh bâk lai.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

2 PETER 1:4

Churuang chun, a thutiam sung tak leh rokual tak chu hawng kan pêk asi; chun, duhnâk ruangah laikulh ah râwknâk a hawng um mi hi tektâk rawh hen, chubang thutiam sung tak leh rokual tak tla ruang chun, Pathian umzia nan bâwmpi kho bâk lai.

1 JOHAN 2:28

Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.

1 JOHAN 2:7

Duhtak le tla, thupêk thar lam chu nan sinah ka hawng rîn lo le, thupêk li, a tîr thawk hen nan nei mi kha ka hawng rîn dauh asi. Thupêk li chu nan theih rawh mi thu kha asi.

1 JOHAN 3:1

Ngâinik u, Pa nih hawng kan dâwt zia chu a fâk a! A dâwtnâk fâk tak ruangah Pathian fa ah kawh hen kan um hi, chu hâwi chu kan si, hi ruangah laikulh nih hawng kan theih lo asi, amah chu an theih lo ruangah.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.

1 JOHAN 3:21

Duhtak le tla, kan thinlung nih mawh hawng kan phurhtir lo chun Pathian lakah kan râlṭha asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.

THUPHUANG 2:28

Chun, deirêl ârfi chu anmah tla ka pêk na lai.

THUPHUANG 22:4

Chun, a mêl an muh lai le, an chal ah a min rîn asi lai.