1 JOHAN 3:12 - Bawm Common Language Bible Version

¹² Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.

1 JOHAN 3:12 ပူးပေါင်းရင်းမြစ်များ

GENESIS 4:25

Adam leh a nupi nih fapa dang an nei. Evi nih, “Kain nih a thah mi Abel ruangrûl ah Pathian nih fapa hawng ka pêk,” a ti. Churawhchun, a min ah Seth ti hen a sak.

2 SAMUEL 13:22

Absalom khawm nih a farnu a tleihrêm ruangah Amnon rangah a hua le, sawnh khawm a sawnh duh loh.

SAM 37:12

Misual nih mi ṭha a phiar le, hua tak hen a zauh.

SAM 38:20

Thil dik ti ka tum ruangah, thil ṭha thil sia hen an ka rulhtu tla nih an ka do.

THUFING LASUIBU 27:4

Thinthawk hi a ṭhalo le, râwknâk asi. Nahsuahnâk chu chu ngâk hen a fâk.

THUFING LASUIBU 29:10

Thisen suah duhtu nih chun mi zumhkâi mi zawzawng an hua le, sikhawmsele mirep tla nih mi zumhkâi nungnâk chu an hum lai.

THUFING LASUIBU 29:27

Mirep nih misual a hua, misual nih mirep a hua.

MATHAI 13:19

Âuzawng nih Ram thu chu nâ nih a theih hen, a ngaihtawnh dân a theih lêm lo chun Setan chu a hawng kal le, a thinlung ah vawrh chia chu a suh ving tâwn. Chu minung chu lam vâu ah vawrh mi chu asi.

MATHAI 13:38

“Chî ṭha vawrhtu chu Minung Fapa hi asi; lo chu laikulh hi asi le, chî ṭha chu Pathian Ram fa tla an si le, fâng telê chu Setan fa tla an si.

MATHAI 23:35

Chuvachun, Abel mirep tak thahnâk thawk hen Pathian Biakin leh mâichâm karah Barakia fapa Zekaria nan thah mi tiang khan, tual tlûnah mirep an thah mi zawzawng chu nanmah tlûnah rêpnâk a hawng tlung kho lai.

MATHAI 27:23

Chun, anih nih chun, “Zei rangah me? Zei me a sual?” a ti. Sikhawmsele, annih tla chu, “Kraws ah khenhtir rawh,” ti hen an âu chiam.

MATHAI 5:37

Nan thusim chu asi mi chu si seh,’ ‘Silo mi chu silo ko seh,’ chu ngâk hen a lei mi chu Setan lakah suak asi.

JOHAN 10:32

Jisu nih annih tla chu a sawnh na le, “Pa sinah suak rianṭuan ṭha cherkhet ka nan zauhtir na le, kha bang rianṭuan tla lak khan a zeiruang khan me lung hen nan hawng ka seh awt?” a ti.

JOHAN 8:40

Sikhawmsele, tu ah thah nan ka tum. Pathian sinah thutak ka theih mi, an simh natu kasi; Abraham nih chun hi hâwi hen a ti lo.

JOHAN 8:41

Nannih nih nan pa thilti chu nan ti tâwn, a ti. Chun, annih nih chun a sinah “Lakfâ tla kan silo, Pa pakhat chi kan nei, Pathian chu,” an ti.

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

1 THESALONIKA 2:14

Unau le tla, Judai ram ah Pathian kawhmi murui Krist Jisu a um mi tla châwngtu nan hawng si kha, annih nih Juda tla lakah an tuar hâwi khan, nannih khawm nih nanmah ram mi tla lakah nan tuar bâk asi,

HEBRAI 11:4

Lungnâk hen Abel nih chun Kain ngâk chun bâwlnâk ṭha dauh Pathian sinah a pêk; lungnâk ruangah Pathian nih a thilpêk tla a pawm piak le, mirep asi phah. Chun, chu lungnâk ruang chun Abel nih thih nûnah thu a sim nget rih asi.

HEBRAI 12:24

Jisu, thudântuk thar siamtu, Abel thisen ngâk hen thisen ṭha dauh thehtu sinah nan hawng tleng rawh.

1 PETER 4:4

Tuah anmah nuamchênnâk lakah nanna tel bâk lo ruangah lunglotu tla nih chê an ti le, an simsiat na tâwn asi,

1 JOHAN 3:8

Thilsual titu chu Diabol lak mi asi, Diabol chu a tîr thawk hen thilsual titu asi. Pathian Fapa a hawng kalnâk san tak chu Diabol thilti veih ding hen asi.

JUD 1:11

An tlûn a pit! Kain lampi chu an zûl le, lawh uh hen Balaam sual lampi chu an zûl le, Kora a hel mi hâwi hen an hel le, amah hâwi hen veih hen an um rawh.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.