1 JOHAN 3:1 - Bawm Common Language Bible Version

¹ Ngâinik u, Pa nih hawng kan dâwt zia chu a fâk a! A dâwtnâk fâk tak ruangah Pathian fa ah kawh hen kan um hi, chu hâwi chu kan si, hi ruangah laikulh nih hawng kan theih lo asi, amah chu an theih lo ruangah.

1 JOHAN 3:1 ပူးပေါင်းရင်းမြစ်များ

2 SAMUEL 7:19

Sikhawmsele, na thilti hi ruat ngâk hen a tam. LALPA zahkâi, tik a hawng um ding mi lakah thlâk tla hawng ka neitir ding hen thu na tiam. LALPA, zahkâi, chubang chu minung rangah na muhtir!

SAM 31:19

Nangmah an zahtu tla rangah thil ṭha na kil mi chu a chê chiam e! Na ṭhat zia leh nangmah a nan zumhtu chu na hum na zia mikip nih an theih.

JEREMIA 3:19

LALPA nih, “Israel, ka fapa hâwi hen an nei ding ka nan duh le, Ram duhkâi tak, laikulh pumpi ah ram dawh chem ka nan pêk. Ka sinah mi kâng dangah a hawi lo rawh ding hen Pa ah na ka ruat ding hen ka nan duh.

HOSEA 1:10

Israel mi tla chu tipi mi sep hâwi hen an tam lai le, rêl châwklo leh tah châwklo rê an si lai. Tuah Pathian nih an sinah, “Ka mi tla nan si lo,” Sikhawmsele “Pathian nung fa tla nan si” an ti na ding ni chu a hawng tlung lai.

LUK 20:36

thi khawm an thi awtlo rawh asi, vânmifial tla tluk hen an um awt ruangah; thawknawlhnâk fa tla an si ruangah Pathian fa tla an si lai.

JOHAN 1:12

Sikhawmsele, amah duhtu vial chu an sinah Pathian fa tla si khonâk ding a pêk, a min zumhtu tla chu.

JOHAN 11:52

Chu phun tla ruangrûl cho chu asi lo, Pathian fa laikulh ah anna rek mi tla zawzawng murui khat ah a pumh na ding khawm hen asi.

JOHAN 15:21

Sikhawmsele, hi bang thil zawzawng hi ka min ruangah nan tlûnah an ti lai, hawng ka fialtu an theih lo ruangah.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 17:25

Pa rep tak, laikulh nih chun an theih lo le, kei lam nih chun ka nan theih; hi bang tla khawm nih hin nangnih kei na ka fial ti an theih rawh.

JOHAN 3:16

Pathian nih laikulh thungâi a dâwt le, churawhchun a Fapa neihlem a pêk, amah chu âuzawng a zumhtu vial thi lo hen, zungzâl nungnâk an nei khonâk ding hen.

ROM 5:8

Sikhawmsele, Pathian nih chun a kan dâwtnâk chu sawr tlâk hen a langhtir le, misual tla kan si liauah Krist kan ruangrûl ah a thi ruang khan.

ROM 8:19

Thilsiam zawzawng tla nih chun thungâi lungum bû hen Pathian fa tla hawng langhnâk chu thungâi an mawhlah asi.

ROM 8:21

thilsiam zawzawng tla ngelchel khawm chu siatnak to-aw ah mi suah hen an um lai le, Pathian fa tla thawsuaknâk rokual ah chun an lût awt asi.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

2 KORIN 6:18

Nan rangah Pa kasi lai le, nannih khawm ka rangah fanu fapa nan si lai, Lalpa zeizawng tikho nih chun a ti,” ti hen, a sim hâwi khan.

GALATIA 3:26

Krist Jisu lung ruangah Pathian fa tla nan si ver.

GALATIA 3:29

Chun, Krist tâ nan si chun Abraham thlah, thutiam hâwi a ro ting ding tla nan si.

DEUTERONOMY 14:1

“LALPA nan Pathian mi nan si le, mithi ruangah lungfâk tuk ah nan taksa ât hen nan khamul tla midang nih an ti hâwi hen mêt lah u.

KOLOSA 3:3

Nan thi rawh le, nan nungnâk chu Pathian lakah Krist sinah thuh hen a um rawh ruangah.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

1 JOHAN 4:17

Zângfahnâk thiltum chu kan lakah siam rangtling hen a um rawh: lâirêl ding mi Ni lak khawm ah râlṭha tak hen kan um khonâk chu hi laikulh ah hin Jisu Krist nunchan hâwi put hen kan um ruangah asi.

THUPHUANG 21:7

A nehtu vial nih chubang tla chu ka sinah mi a tawng lai le, anih chu ka fa asi lai.