1 JOHAN 2:8 - Bawm Common Language Bible Version

⁸ Sikhawmsele thupêk thar rîn hâwi khawm kasi, chu chu Jisu Krist lakah leh nanmah lakah a lang asi, chêu tatak chu tuah a hawng chêu rawh ruangah mûi chu a vei liau chir asi.

1 JOHAN 2:8 ပူးပေါင်းရင်းမြစ်များ

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 36:9

Nang chu nungnâk bul na si, na chêunâk ruangah chêu kan muh.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

ISAI 9:2

Mûi ah kaltu tla nih chun chêu rokual tak an muh. Dâidul ram ah an um le, sikhawmsele tu lam chun chêu nih a cherh na.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 4:16

Mûi nâwng ah to tla nih chun chêu fâk tak an muh lai, Thihnâk mun leh a thlaliah ah um mi tla tlûnah chun, chêu a hawng suak rawh,’ ti hen, a sim mi kha a hawng tlung khonâk ding hen.

LUK 1:79

Mûi nâwngah leh thihnâk dâidul ah to tla cherh ding hen leh lungngamnâk Lampi ah kan kê kârtir ding hen,” a ti.

JOHAN 1:9

Chêu dik tak mikip chêutirtu kha laikulh ah a hawng kal liau asi.

JOHAN 12:35

Chun, Jisu nih an sinah, “Chêu hi sâwtlotê nan lakah a um rih. Chêu nan nei kar hin kal u, mûi nih an tanh na lonâk ding hen; âuzawng mûi ah a kal mi nih chun, a kalnâk suankhân a theih lo.

JOHAN 12:46

Chêutirtu ah laikulh ah hawng kal kasi hi, âuzawng hawng ka zumhtu vial chu mûi ah an um kumza lonâk ding hen.

JOHAN 13:34

Thupêk thar ka nan pêk na hi, a dâwt ule; kei nih ka nan dâwt na hâwi hen, nannih khawm a dâwt u.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

THILTI 17:30

Pathian nih chun amah kan theihlo liauah a ngaihzia hawng kan thiam piak tâwn le; sikhawmsele, tuah ramkipah mi zawzawng rim ding thu a pêk rawh asi,

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

ROM 13:12

Zân hi a ral dêngmâng rawh le, khua a dei awt rawh; churuangah, mûi thilti chu lawnh sele, chêu thuam hen kanna thuam lai.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.

EPHESI 5:8

A lânah khan mûi ah nan um le, sikhawmsele Lalpa mi tla nan si nûnah chun chêu lakah nan um rawh. Churuangah, chêu lakah um mi tla hâwi hen nan um ding asi.

2 TIMOTHE 1:10

Sikhawmsele ruang hawng kan suahtu Jisu Krist a hawng kalnâk nih tu ah a langhtir rawh. Krist nih chun thihnâk thiltikhonâk chu veih hen, Thâwngthâng Ṭha hen nungnâk thi kho lo mi chu a langhtir rawh.

1 PETER 1:21

Amah ruangah mithi lakah mi thawhtu leh a rokualnâk pêktu Pathian lungtu tla nan si le, nan lungnâk leh nan lungumnâk chu Pathian lakah siah thlir u.

1 JOHAN 3:23

Chun, a thupêk chu hi hi asi, Jisu Krist nih thu hawng kan pêk hâwitê hen, Jisu Krist min lung hen a zângfah tawnh ding asi.

1 JOHAN 4:11

Duhtak le tla, chu hâwi tluk hen Pathian nih hawng kan zângfah asi chun, kannih khawm kanna zângfah tawnh ding asi.

1 JOHAN 4:21

Hi hi Krist nih thu hawng kan pêk mi chu asi “Mi nih Pathian a zângfah chun a unau khawm a zângfah ding asi,” ti hi.