1 JOHAN 2:6 - Bawm Common Language Bible Version

⁶ Pathian sinah kan um asi ti theihnâk chu hi hi asi, Pathian lakah ka um titu chu Jisu hâwitê hen a um ding asi.

1 JOHAN 2:6 ပူးပေါင်းရင်းမြစ်များ

SAM 85:13

Diknâk chu LALPA mâika ah a kal lai le, a rangah lampi a siam lai.

MATHAI 11:29

Ka liangbat a bat ule, ka sinah a sîn u; dawnh kho mi leh thinlung ah â nâutir mi tak kasi; chun, nan thlarau rangah dinhnâk nan tawng lai.

JOHAN 13:15

Nan tlûnah ka ti hâwi hen nannih khawm nih nan ti bâk ding hen zûnzauh ding ka nan pêk na asi.

JOHAN 15:10

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen;

1 KORIN 11:1

Hawng ka châwngtu si u, kei khawm Krist châwngtu kasi hâwi ber hen.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

1 PETER 2:21

Hi hi asi, ti ding hen Pathian nih a nan kawh na mi chu: Krist nih nan rangah a tuar rawh ruangah a nehnûn nan zûl ding hen zûnzauh ding ah a nan mâk na asi.

1 JOHAN 2:28

Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.

1 JOHAN 2:4

A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.

1 JOHAN 3:6

Âuzawng amah lakah umtu nih chun thilsual a ti lo, âuzawng thilsual titu nih chun amah chu a muh lo le, theih khawm a theih lo.

1 JOHAN 4:17

Zângfahnâk thiltum chu kan lakah siam rangtling hen a um rawh: lâirêl ding mi Ni lak khawm ah râlṭha tak hen kan um khonâk chu hi laikulh ah hin Jisu Krist nunchan hâwi put hen kan um ruangah asi.