1 JOHAN 2:5 - Bawm Common Language Bible Version

⁵ Âuzawng a thu zâwttu chu amah lakah chun Pathian zângfahnâk a rangtling tatak rawh asi.

1 JOHAN 2:5 ပူးပေါင်းရင်းမြစ်များ

SAM 105:45

Churawhchun, a mi le tla nih a dân thu tla chu an zûl hen a thupêk tla an zûl khonâk ding hen. LALPA chu sawr u!

SAM 106:3

Thil dik a ti kumza mi thupêk zûltu tla chu an thaw a suak.

SAM 119:146

Ka nan auh, ruang hawng ka suah, chun na dân ka zûl lai.

SAM 119:2

LALPA thupêk zûltu chu an thaw a suak e, an thinlung zawzawng hen amah ê-aw ngâitu tla chu.

SAM 119:4

LALPA, dân tla na kan pêk hen zumhkâi tak a zûl ding hen na kan simh.

THUFING LASUIBU 28:7

Tlangvâl dân zûltu chu a fing asi. Zeikhawm ṭhatvaknâk umlo hen hâwi siamtu chu a pa rangah ningzak saihtu asi.

THUFING LASUIBU 8:32

“Tuah, tlangvâl tla, ka thu ngâi u. Thu ka sim mi hâwi hen ti ule, lâwptlo tak hen nan um lai.

THUSIMTU 8:5

A thupêk na ngâi kar vial chu na him asi, mifing nih chun zei hâwi ti ding leh zei tikah ti ding a theih.

EZEKIEL 36:27

Ka thlarau nan lakah ka siah lai le, ka thupêk kan pêk na mi zawzawng leh ka dân nan zûl mi tla ka nan muh na lai rawh.

LUK 11:28

Sikhawmsele, anih lam nih chun, “Pathian thu theih hen zâwttu tla hi mi vânṭha an si dauh, ti sim a ṭha dauh,” a ti.

JOHAN 14:21

“Âuzawng ka thupêk tla theih hen zâwt mi chu hawng ka dâwttu asi; âuzawng hawng ka dâwttu chu ka Pa nih a dâwt lai, kei khawm nih anih chu ka dâwt lai le, a sinah kâ langh lai,” a ti.

JOHAN 14:23

Jisu nih a sâng le, a sinah, “Mi nih a ka dâwt chun ka thu a zâwt lai le; ka Pa nih anih chu a dâwt lai le; a sinah kan hawng kal lai le, a sinah kan um kumza lai.

JOHAN 15:5

“Kei grep zûn chu kasi, nannih a ṭeng tla chu nan si. Âuzawng keimah lakah a um kumza hen, kei khawm amah lakah ka um kumzanâk chu, chu chu tam tak hen a rah tâwn; keimah lo hen zeikhawm nan ti kho lo ruangah.

JOHAN 6:56

Âuzawng ka taksa ei hen ka thisen dintu chu, keimah lakah a um kumza tâwn, kei khawm amah lakah ka um kumza tâwn.

ROM 8:1

Chun, tu lam chun Krist Jisu ah um tla rangah chun mawhtirnâk rêng a um lo rawh.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

2 KORIN 5:17

Churuang chun âuzawng Krist ah a um chun thilsiam thar a hawng si; thil li chu a vei rawh; ngâinik u! a hawng thar rawh.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

JEM 2:22

A lungnâk leh a thilti hen munkhat hen a ṭuan le, chun, thilti ruangah a lungnâk chu a rangtling rawh ti na theih.

1 JOHAN 3:24

Pathian thupêk zûltu chu Pathian lakah a um kumza le, Pathian khawm amah lakah a um. Chun hi lak hin amah chu kanmah lakah a um kumza ti kan theih, Thlarau hawng kan pêk mi lak hin kan theih asi.

1 JOHAN 4:17

Zângfahnâk thiltum chu kan lakah siam rangtling hen a um rawh: lâirêl ding mi Ni lak khawm ah râlṭha tak hen kan um khonâk chu hi laikulh ah hin Jisu Krist nunchan hâwi put hen kan um ruangah asi.

1 JOHAN 4:18

Zângfahnâk lakah chun ṭihnâk a um lo, zângfahnâk rangtling nih ṭihnâk a nar tâwn, ṭihnâk lak chun rêpnâk a um ruangah, a ṭihtu chu zângfahnâk ah a rangtling lo asi.

1 JOHAN 5:2

Hi hi Pathian fa tla kan zângfah ti kan theihnâk chu asi, Pathian kan zângfah le, a thupêk tla kan zâwt mi lak hin.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

2 JOHAN 1:6

Pathian thupêk hâwitê kan um ding mi chu asi, zângfahnâk ka ti mi chu. Thupêk a tîr thawk hen nan theih rawh mi chu hi hi asi, zângfahnâk ah nan um ding mi chu asi.

THUPHUANG 12:17

Chun, Rûlrêu chu nunau tlûnah a thinthawk le, a thlak tla an um rih mi, Pathian thupêk tla zâwt hen Jisu theihtirnâk thu pawmtu tla chu do ding hen a suak rawh.

THUPHUANG 14:12

Hinah hin mi thenhlimh Pathian thupêk tla leh Jisu lungnâk thu zâwttu tla felfênâk chu a lang asi.