1 JOHAN 2:4 - Bawm Common Language Bible Version

⁴ A thupêk tla zâwt ṭung lo hen, “Amah ka theih” titu chu mi âwkrâwl asi, thutak khawm amah lakah a um lo.

1 JOHAN 2:4 ပူးပေါင်းရင်းမြစ်များ

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

TITA 1:10

Dân lo hâwi a um mi, thu sim salam mi leh perpettu tla tam tak an um ruangah, Juda tla lakah mi an si dauh chem.

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

1 JOHAN 1:10

“Thilsual kan ti lo” kan ti chun, Pathian chu âwkrâwl ah kan siam le, a thu khawm kanmah lakah a um lo asi.

1 JOHAN 1:6

Mûi lakah um ko hen “Amah hen kanna kawmh” kan ti chun âwkrâwl kan sim asi, thutak khawm chu kan zâwt lo,

1 JOHAN 1:8

“Sual kan nei lo” kan ti chun mah le mah kanna perpet le, thutak chu kanmah lakah a um lo asi.

1 JOHAN 2:3

Chun, a thupêk tla kan zâwt chun, chu lakah chun amah kan theih ti kanna theih asi.

1 JOHAN 2:9

Mah unau hua ṭung hen, “Chêu ah ka um” titu chu tu khawm ah mûi ah a um ko asi.

1 JOHAN 3:6

Âuzawng amah lakah umtu nih chun thilsual a ti lo, âuzawng thilsual titu nih chun amah chu a muh lo le, theih khawm a theih lo.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?

1 JOHAN 4:7

Duhtak tla, zângfahnâk hi Pathian thawk hen suak asi ruangah kanna zângfah tawnh ding asi. Âuzawng zângfahnâk neitu chu Pathian fa asi, Pathian khawm a theih.