1 JOHAN 2:28 - Bawm Common Language Bible Version

²⁸ Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.

1 JOHAN 2:28 ပူးပေါင်းရင်းမြစ်များ

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

MALAKI 3:2

Sikhawmsele a hawng kal ni ah chun âunih tuar kho lai? A hawng lang tikah âu a him kho lai? Anih chu sabung chak tak hâwi leh thîr zawrtirnâk mei hâwi asi lai.

MALAKI 4:5

Sikhawmsele LALPA ni ṭihnungkâi leh rokual tak a hawng tlung lânah nan sinah khuavâng Elija ka hawng fial lai.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MARK 8:38

Âuzawng tu san zumhkâilo leh thilsual ti mang tla lakah keimah leh ka thu zahpitu zawng chu, Minung Fapa nih hin vânmifial thenhlimh tla hen a Pa rokualnâk ah a thuam hen a hawng kal tikah chun chu minung chu a hawng zahpi bâk lai,” a ti.

LUK 17:30

Chu hâwi ber hen Minung Fapa hi a hawng a langh ni ah chun a um lai.

ROM 9:33

Pathian lasui thu nih: “Zauhnik, Zion ah chun tlûknâk lung leh khamnâk lungpi ka siah le, âuzawng amah lungtu vial chu an lungdawng lai loh,” ti hen a sim hâwi khan.

1 KORIN 1:7

Chuvachun, kan Lalpa Jisu Krist langhnâk ngâk hen, thilpêk rerêng ah nan samphâng lo.

1 KORIN 15:23

Sikhawmsele, mah tik chiau vima ah, Krist chu thawhnâk mâitâwntu asi le, chu nûnah a hawng kal nawlhnâk ah Krist tâ tla chu.

EPHESI 3:12

Krist Jisu kan lung ruangah chun amah lak berah ngamhnâk leh râlṭhatnâk ṭha tak a lût khonâk kan nei.

KOLOSA 3:4

Krist kan nungnâk chu a hawng a langh tikah chun nannih khawm amah sinah rokualnâk ah nanna langh bâk lai.

1 THESALONIKA 2:19

Kan lungumnâk mawh, kanna lâwmnâk mawh, kan lallukhuh putso mawh zei me asi ne? A hawng tikah kan Lalpa Jisu mâika ah chun nanmah ngelchel nan si awt mi asi lo ma?

1 THESALONIKA 3:13

Chun, kan Lalpa Jisu a mi thenhlimh zawzawng tla hen a hawng kal tikah, kan Pathian leh kan Pa mâika ah nan thinlung tla thenhlimhnâk leikângah simsâwi kawplo hen a nan birhtir kho na lai.

1 THESALONIKA 5:23

Chun remnâk Pathian tak nih nan pum hen an thenhlimhtir na seh; chun, nan thlarau leh nan thinlung leh nan taksa chu kan Lalpa Jisu Krist a hawng kal tik chun simsâwi kawplo hen a pum hen hum hen um seh.

1 TIMOTHE 6:14

Kan Lalpa Jisu Krist a hawng a langh lânlo chu thupêk kha thenhlimh tak leh simsâwinâk um lo hen tleih rawh.

2 TIMOTHE 4:8

tuah lam chun repnâk lallukhuh chu ka rangah siah hen a um rawh; chu chu Lalpa lâirêltu rep tak nih chun chu ni ah a hawng ka pêk lai. Ka sinah cho silo hen, a langhnâk awrhtu kip tla sinah khawm.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

1 PETER 5:4

Chun, Dawrâpu Lian a hawng a langh tikah a rokualnâk lallukhuh nawh kho lo mi chu nan tawng lai.

1 JOHAN 2:1

Ka fa le, thilsual nan ti lonâk ding hen hi bang thu hi nan sinah ka hawng rîn asi. Chun, âuzawng nih thilsual a ti chun, Pa sinah simpitu Jisu Krist mirep chu kan nei asi,

1 JOHAN 3:2

Duhtak tla, tuhin Pathian fa tla kan si le, zei hâwi hen kan um awt ti lam chu a lang lo rih, amah a hawng a langh tikah amah hâwi hen kan um awt ti lam chu kan theih, amah chu a umdân hâwitê hen kan muh awt.

1 JOHAN 3:21

Duhtak le tla, kan thinlung nih mawh hawng kan phurhtir lo chun Pathian lakah kan râlṭha asi.

1 JOHAN 4:17

Zângfahnâk thiltum chu kan lakah siam rangtling hen a um rawh: lâirêl ding mi Ni lak khawm ah râlṭha tak hen kan um khonâk chu hi laikulh ah hin Jisu Krist nunchan hâwi put hen kan um ruangah asi.

1 JOHAN 5:14

Hi hi Pathian lakah kan râlṭhatnâk chu asi, zeizawng amah duhzia hâwi hen kan deih chun anih nih a hawng kan ngâi piak lai ti kan theih.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.